+10 °С
Ясно
Ғәләмәт бит
22 Марта 2023, 13:00
Мин кем?
Ҡатын врачҡа килә лә: – Доктор, әйтегеҙ әле, мин ниндәй хайуан?– Гражданка, һеҙ – кеше!– Ниндәй кеше булайым, ти?! Иртәнсәк һарыҡ кеүек ойпалып торам, эшкә шакал кеүек ас йүгерәм, трамвайға маймылдай йәбешәм, унда айыу кеүек этешеп, ҡуян булып барам, трамвайҙан сыҡҡанда йолҡонған тауыҡҡа оҡшайым, магазиндар буйлап ишәк кеүек йүгерәм, күршеләргә эттәй ырылдайым, балаларға йыландай ыҫылдайым.
Мин кем?
Ирем эштән ҡайтас: “Ҡошсоғом, ашарға әҙерме?”, – тип һорай. Барыһын да ашатып-эсереп, балаларҙы йоҡларға һалғас, үҙем ятам. Ирем эргәмә килгәс: “Һыйыр, шыл! Сусҡа һымаҡ ятаһың”, – ти. Доктор, мин ниндәй кеше булайым?!
Г. ҮРНӘКОВА.
