+30 °С
Облачно
Ғәләмәт бит
30 Января 2024, 08:00
ЗАРЛАНЫУ
Саунала ике бизнесмен дуҫ ултыра. Береһе икенсеһенә зарлана.– Беләһеңме, Кәли, һөт ризыҡтары заводы асып, мин ахмаҡлыҡ эшләнем. Көрсөк ваҡытында халыҡ аҡсаһын янда ҡалдырырға тырыша: йә кефир алмай, йә эремсектән баш тарта, йә майҙан маргаринға күсә… Ә һинең эшең көйлө, халыҡ араҡы менән һыраны элек тә ҡырылып ятып ала ине, әле лә шулай.
ЗАРЛАНЫУ
– Әйтмә лә инде, Ғәли, һин һис юғы “аҡланып” ҡотолаһың, продукцияның хаҡын арттырмайым, тип күкрәк ҡағаһың. 1 литр һөт урынына 950 грамм ҡояһың, ҡайһы берҙә 870 грамм һалырға ла ҡурҡмайһың, майың 200 грамм урынына 180 грамм ғына, эремсекте 300 урынына, ә 270 грамм итеп төрәһең. Иң ҡыҙығы – һиңә бәйләнерлек тә түгел бит, “кешеләргә күп кәрәкмәй”, тип ауыҙ тултырып әйтә алаһың. Ә хәҙер күҙ алдыңа килтер: мин шешәгә ярты литр араҡы урынына 450 грамм ғына ҡойһам, нимә була? Кешеләр аңламау ғына түгел, үлтереп тә китер…
