+30 °С
Болотло
Ғәләмәт бит
21 Май 2025, 10:05
ТУЙМАЗЫЛАР КҮҘ БУЯЙ
– Ишғәле, ишеттеңме бер хәбәр?– Ҡушғәле, низағтар бөткәнме, әллә хаҡтар төшкәнме?– Белмәнең, Туймазы ҡалаһында урамдарға асфальт түшәйҙәр икән.– Таптың яңылыҡ, урамы булғас, асфальт түшәрҙәр инде, нимәһенә иҫең китә?– Шулайын-шулай ҙа, эш барышы хаҡында телевизорҙан сюжет та күрһәттеләр.– Бәй, яҡшы хәбәр булғас күрһәтерҙәр инде. Асфальт барып етмәгән йәки үткеһеҙ юлдар хаҡында һөйләрҙәр тип өмөт иткәйнеңме – улар бөткөһөҙ күп, ә асфальт һирәк ерҙә түшәлә. Тормоштоң күҙ алдында яҡшыра барыуын тап телевидение күрһәтә, белеп ҡуй.
ТУЙМАЗЫЛАР КҮҘ БУЯЙ
– Ишғәле, шулайын-шулай, ҡала мэры Эдуард Рәхмәтуллин урамдарҙың күҙ алдында яңырыуы хаҡында ҡыуанып һөйләгәнен тыңлағас, туймазылар өсөн бик ҡыуандым. Артҡы фонда эш менән булашҡан юлсылар ҙа, махсус техника ла күренә ине. Ә бер аҙҙан социаль селтәрҙә икенсе “репортаж” күреп тамам аптыраным. Интервью биргән мэр янынан үтеп киткән велосипедта барыусы юлсыларҙың көрәк менән күптән түшәлгән асфальтҡа төрткөләп, эш күрһәтеп йөрөүҙәрен төшөрөп алған. Баҡһаң, улар эштең гөрләп барыуын иҫбатлаусы манекендар ролен башҡарған.
– Ҡушғәле, ысынлап та хәтәр яңылыҡ был, ишетмәһәң – ишет! Шуны уйлап торҙом әле – әгәр күҙ буяу, мутлашыу буйынса берәй бәйге ойошторһалар, туймазылар алға сығыр, бер ҙә бирешеп тормаҫтар ине.
Кәкре БӨКРИЕВ.
