+30 °С
Болотло
Ғәләмәт бит
10 Июнь 2025, 06:35
Туғыҙ йыл элек юғалған ҡыҙҙы тапҡандар
Был хәл Петербургта була. Виктория Конецкая балалар дауаханаһынан 2016 йылдың декабрендә каскан. Уға планға ярашлы операция яһау өсөн госпитализациялаған булғандар. Юғалыуы алдынан ул социаль селтәрҙәрҙәге сәхифәләрен юйҙырған, барлыҡ кейемдәрен һәм документтарын дауаханала ҡалдырған, палаталашының курткаһын ғына алған. Виканың әсәһе полицияға мөрәжәғәт иткән, "үлтереү" маддәһе буйынса енәйәт эше ҡуҙғаталар. Тикшереү барышында 450 шаһиттан һорау алына, уларҙың ҡайһы берҙәре, йәнәһе, Виканы туғандары тыуған көнө менән ҡотламаған, шуға үпкәләгән тип һөйләгән. Енәйәт эшенең дөйөм күләме 84 том тәшкил иткән, 15-тән артыҡ эҙләү сараһы үткәрелгән: уҡыусыны хатта водолаздар ла эҙләгән.
Туғыҙ йыл элек юғалған ҡыҙҙы тапҡандар
Әммә йәш ҡатындың эҙенә осраҡлы рәүештә төшкәндәр: 2 июнь көндө уны Сестрорецк ҡалаһында видеокамералар теркәгән. Хоҡуҡ һаҡлаусылар Виктория йәшәгән адресты асыҡлай һәм уны Криминалистика идараһына саҡырталар. Йәш ҡатын 9 йыл элек дауахананан үҙ теләге менән китеүен һөйләгән, ул операция яһарға кәрәк тип баҫым яһаған ата-әсәһенә үпкәләнем, тигән. Күпмелер ваҡыт Всеволожск ҡалаһында әхирәтендә йәшәгән, өйҙән сыҡмаған тиерлек, сөнки уны эҙләүҙәрен яҡшы аңлаған. Һуңыраҡ бер ир менән танышып, уның янына Сестрорецкҡа күсенгән, өйҙә генә ике бала тапҡан... Медиктарға һәм дәүләт учреждениеләрена ла мөрәжәғәт итмәгән.
Йәш ҡатын һөйләүенсә, уға ҡарата бер кем дә бер ниндәй ҙә хоҡуҡҡа ҡаршы ғәмәлдәр ҡылмаған, яҡындары менән ул аралашырға теләмәй. Хәҙер Викаға - 24 йәш. Нисек һуң ул өйҙә генә бала табып була? Тимәк, уларҙың документтары ла юҡ... Үҙенең дә документтары юҡ... Бик сәйер, хатта башҡа һыймаҫлыҡ хәл һымаҡ. Ә уның ата-әсәһе был ваҡыт эсендә ниҙәр кисерҙе икән? Ә бит һау-сәләмәт, ғүмеренә бер нәмә лә һәм бер ни ҙә янамаған кешене эҙләүгә дәүләт фәләнсә аҡса тотҡан... Беҙҙеңсә, был бик вайымһыҙ һәм аҡылһыҙ ҡылыҡ.
Сығанаҡ: SHOT Telegram-каналы.
