+30 °С
Болотло
Ғәләмәт бит
23 Сентябрь 2025, 10:10
Димсе һөйләгәндәрҙән
Димселек һәләтем барлығын белеп, бер көнө 60 йәштәрҙәге ир-уҙаманы миңә шылтыратты ла үҙенә хәләл ефете эҙләүен әйтеп, таныштырыуымды һораны. Шуға үҙе хаҡында мәғлүмәт һораштым, буласаҡ ҡатыны ниндәй булырға тейешлеген һоарным. Теге: “Миңә медик кәрәк”, — тине. Мин аптыранҡырап ҡалдым. — Ә ниңә нәҡ медик кәрәк? Әллә ауырыйһығыҙмы? — тип һораным.
Димсе һөйләгәндәрҙән
— Юҡ, ауырымайым, — ти.— Беҙҙә ауылда медпункт бар, тик медик юҡ. Шунда эшләһә, ауылға килгән өсөн хөкүмәттән аҡса бирәләр, өҫтәүенә эш хаҡы була.
Был яуапты ишетеп шаҡ ҡаттым.
— Үҙегеҙ ҡайҙа эшләһегеҙ һуң?—тим.
Ҡатын эҙләүсе эшләмәй булып сыҡты. Мал ҡарап, баҡса үҫтереп йәшәй.
— Һуң, — мин әйтәм, — һеҙҙең йәшегеҙгә песионерка ғына тура килә. Ул һеҙгә сыҡһа ла эшләмәҫ ул, йәштәр һеҙгә сыҡмаҫ.
— Хәҙер бит пенсияла булһаң да эшләргә була. Бәлки, эшләр, — ти.
Бына шундай ирҙәр бар хәҙер. Ҡатын түгел, аҡса көҫәйҙәр. Үәт, замана.
