-15 °С
Болотло
75 лет Победы
Бөтә яңылыҡтар

Шомбай менән Шуҡбай

Урамға сыҡҡан Шуҡбай Шомбайҙы күрҙе.– Сәләм, Шомбай күрше! Хәлдәр нисек? Улыңдан хаттар көтәһеңме?– Һаумы, Шуҡбай! Хәлдәр шомло ғына. Кисә мәғариф бүлегенән хат алдым.

Шомбай менән Шуҡбай
Шомбай менән Шуҡбай

Күршеһе аптырауҙан ауыҙын асты.
– Ҡыҙың менән берәй хәл булғанмы әллә? Уҡып йөрөй ине бит.
Шомбай шомлоғон ситкә ҡуйып, хахылдап көлдө.
– Ҡыҙымдың уҡып бөткәненә бер йыл. Һаман эшкә төшә алмай. Һәр береһе стаж һорай. Иң кәмендә алтмыш ай. Ә был хат тап улыма.
– Нисек инде уға?
– Әрмегә оҙатҡаныма бер аҙна. Был көндә уға путевка килде, балалар баҡсаһына барырға сираты еткән.
– Бик хәтәр бит, мәслихәт. Үҙең ҡартайҙың, пинсийәгә сығырға ҡалмағандыр бер ай ҙа.
– Пинсийәһе тәтемәҫ.
– Ниңә улай тиһең, күрше?
– Кисә пинсийәне юлларға барҙым. Алтмыш өс йәш кәм түгел, эшләргә хәлдәрем мөшкөл. Хеҙмәтемдең стажы алтмыш биште һуҡҡансы эшләргә лә эшләргә, тинеләр.
– Улар инде шашты. Күрәһең, һинең сысҡандарың кеүек ашлығымды ашайҙар.
– Үҙең бесәй тотмайһың, аҙығыңды бүлешергә йәлләйһең.
– Миңә ниңә бесәйҙәр? Һинекеләр етеҙ булғанда.
– Теге аҙнала, һин ҡалала булғанда, силсәүиттән килделәр, малдарыма датчик ҡуйып, иҫәп алмаҡ булдылар. Бал ҡортомдоң күплегенә хайран ҡалып, шуларҙан башланылар. Бар күсемде болартып, дауыл-буран уйнатып, эй таланып ҡайттылар. Бесәйҙәрем ҡотолам тип, өйҙән сығып ҡастылар. Ярай әле, йәйләүҙәге һимеҙ атымды белмәйҙәр. Һикһән башлыҡ налог һалырҙар ине.
– Ә ҡарсығың ҡайҙа ҡасып ҡотолдо?
– Әбейгә ни булһын, ике аҙна элек табиптарға күренеп ҡайтырға дауаханаға юлланғайны. Бибисараның шунда эшләгән ҡыҙы, сираты һаман етмәй, тип әйтә, ти. Шуҡбай, ә һин үҙең ҡайҙа юл тоттоң?
Шуҡбай хәйләле генә ҡараш ташланы:
– Бараһы юл алыҫ түгел. Өҫтәге ҡыйҙы ҡағаһы, унан инде утилизовать итеп, ғүмер буйы эшләп тапҡан бурысты килә алаһы.

Тимур РӘХМӘТУЛЛИН.

Автор:"ҺӘНӘК" журналы
Читайте нас в