Тапҡыр ир

– Ниңә илайһың?
– Иламайса түҙә алмайым, балтамды яңылыш һыуға тө­шөрөп ебәрҙем, ғаиләмде нисек аҫрармын инде...
Аллаһы Тәғәлә һыуҙан алтын балта алып биргән.
– Был балта һинекеме?
– Юҡ, минеке түгел, – тип яуаплаған утын ҡырҡыусы.
Аллаһы Тәғәлә һыуҙан көмөш балта алған.
– Бәлки, ошоһолор?
– Юҡ, быныһы ла минеке түгел, – тип яуап биргән утын ҡырҡыусы.
Ниһайәт, Аллаһы Тәғәлә йы­л­­ғанан тимер балта алған.
– Эйе, быныһы минең балта, – тип ҡыуанған утын ҡырҡыусы.
– Һин – намыҫлы кеше, ҡа­нундарымды үтәйһең, – тигән Аллаһы Тәғәлә. – Бүләк итеп өс балтаны ла үҙеңә ал.
Утын ҡырҡыусы бал да майҙа йәшәй башлаған. Ләкин, бә­хетһеҙлеккә ҡаршы, ҡатыны йылғаға батҡан. Ул тағы ла илар­ға тотонған. Шунда йәнә Аллаһы Тәғәлә пәйҙә булған.
– Ниңә илайһың?
– Иламайса түҙә алмайым, ҡатыным йылғаға батты.
Аллаһы Тәғәлә һыуҙан Ләйләне тартып сығарған.
– Һинең ҡатының ошомо?
– Эйе, минең ҡатыным! – Утын ҡырҡыусы ныҡ ҡыуанған.
Аллаһы Тәғәлә асыуланған.
– Һин мине алданың, нисек инде улай?
– Беләһеңме, Аллам, бында бәләкәй генә аңлашылмау­санлыҡ килеп сыҡты, – тип яуап биргән утын ҡырҡыусы. – Мин был минең ҡатыным түгел, тип яуап бир­һәм, йылғанан Зөһрәне тартып сығарыр инең, мин тағы ла быныһы ла минең ҡатыным түгел, тип яуаплар инем. Шул саҡ минең ҡаты­нымды тартып сығарыр инең, ә мин быныһы минең хәләл ефетем, тип әйтер инем. Улар­ҙың өсөһөн дә миңә бирер инең. Ни эшләргә? Тамаҡтарын туйҙыра алмаясаҡмын. Дүр­тебеҙ ҙә бик бәхетһеҙ булыр инек.
Һабаҡ. Ир-егеттәр алдаш­ҡанда ла, быны бик урынлы һәм дөйөм файҙаға эшләй.

Р. ДАЯНОВ.

Фото: wikids.ru