Хикмәте - хәрефтә

Кәтринә кәмһенмәне, көсләп көлөмһө­рә­не:
– Кәзәбилгә көртмәлегә китеш, күм-күк келәм кеүек, кисә күргәндәр!
– Кем күргән? – Көнбикәнең күҙҙәре кә­беҫтә күргән кәзәнеке кеүек күгелйемләнеп китте. Кәзәһенән көлөүенә кинәйәләп, Кәтринә көтәүелләп кенә кәзекләне:
– Күргән кеше кисәнән Кәзәбилдә, Көн­бикә күршекәйем. Кәсептәшлеккә керергә килешкәйнем, күҙем күрмәгәс, кейәүем, киленем, күмәкләп киттеләр. Кәрзинләп, кү­нәкләп кисләтеп кенә килтерһәләр, кә­мә­не көтәүелләтергә килгәйнем. Кәзәгә кил­гәндә, Кәртәлегә киләһе кесаҙнала китәбеҙ. Кәбәнде кәртәләп, кәзәмде көтөргә Кәүсәриәне күндереп, килен-кейәүҙәрҙе кү­ре­штереп… – Кәтринә кинәнеп киләһе кес­аҙ­наға кәсептәрен күрһәтергә керешеп китте…
– Кисәнән? Кистән?! – Көнбикә күршеһе­нең кәмитләнеүен кәйелтә киҫте. – Күрше­һең, Кәтә, килендәшһең. Көнитмешебеҙ көй­лө комбайндай келтерҙәне. Кисәге кис­тән китеүҙәрен, көноҙон көттөрмәй, кинйәң­де керетеп кенә күндерһәң, күмәсең күмһер­ме? Кәзәбил көртмәлеһен күпһенеп, килеш­тереп көләһең кешенән. Кәзәңә лә көртмәле кәбәге кимертмәкһеңме? Кирелегеңде кисермәйем, күрше. Көнө килер: күңелһеҙ көйҙәр көйләрһегеҙ. Кәбәркәләге көмөшкә кәсебегеҙҙе кәнсәләрҙә кәңәшмәлә күтәрә­сәкмен, күрерһегеҙ!..
– Көнләшмә, күрше, килендәш кешегә ке­нә көҙәү килешмәй! – Кәтринә кинәт кирелә­неп китте. – Кем-кем, Кәзәбил көртмәле­ле­ген Көнбикәләр күпләп көрәгәнен көнбә­ләр күптән күрә килә.
– Күрмәгәйе, килеп кәбәген киптереш­һен­дәр! – Көнбикә Кәтәнән кәм кәзәләнмә­не. (Көнө килһә, күршеләр килештереп көн­ләшешәләр). – Кәзәбилдә көртмәле күп: кем килһен – күнәкләп көрәр. Кәтринә кеүек китек күңелдәр күбәймәһә… – Көнбикә көр­һөндө, күҙҙәрендә көмөш күләүек күренде. – Көтмәгәйнем, көтмәгәйнем. Күршеңдең күрәләтә көлөүенә күнерһеңме? Кәнде ке­нәсел, килмешәк!..
– Килмешәклегемдән көлмә, кәмитсе! Киҫ­кәләй кәүҙәң, күҙеңдән күк китмәгән килеш, кеше көнлө көйөнсә, кемдең кәзә­һенән көлөүен күр, көҙгө күркә!..
Китте, китте – Көнбикә Кәтринәнең, Кәтә Көнбикәнең кирелектәрен күтәреү, көллө Көнбәгә кәмит күрһәтеү – көн дә күргән ки­носериалдағынан кәм килештермәйҙәр. Күптән концерт көҫәгән күрше-күләнде көл­дөрөп, көтөү килгәс кенә кисеүҙән кире Көн­бәгә кәлтәңләнеләр.
Келәттә кәбеҫтә киҫкән Кәрим килен­дәштәрҙе көскә килештерҙе. Кубышкалағы көртмәле көмөшкәһен кескенә кәсәләрҙән кәктеләр, көңгөр-ҡаңғыр көлөшөп, кәбеҫтә кертелдәттеләр. Кәйефтәре көрәйгәс, көрт­мәлегә киләһе кесаҙнала күмәкләп китергә килештеләр. Кәзәбилдә көртмәле күп, кө­жәрләнмәһәң, көллө Көнбә күтәремләп кө­рәһен – кәмемәҫ…

Дамир ШӘРӘФЕТДИНОВ.

Фото: ppt-online.org