Торт

Туҡталыштарҙың береһендә ҡы­ҙыл битле әбей ҡаптарҙы алмаштыра ла, бер ни ҙә булмаған­дай, трамвайҙан төшөп ҡала. Пассажир­ҙарҙың шаулашҡанына йоҡомһорап килгән әбей уяна. Ни булғанын аңлап алғас, һығылып иларға тотона. Уны бер нисек тә тынысландыра алмайҙар. Аптырағас, янын­дағы пассажирҙар аҡса йыйырға була.
– Әбей, иламағыҙ, – ти улар. – Беҙ хәҙер һиңә яңы торт алып би­рәбеҙ. Ошондайҙы уҡ, ун һумға.
Әбей янындағы кешеләргә күтә­релеп ҡарай ҙа, ни өсөн күҙ йәш­тәрен түгеүен һөйләп бирә. Уны тыңлағас, трамвайҙы көлөү тауыштары баҫа.
Ул ун ике йыл буйына бесәй аҫраған. Бер-береһенә ныҡ эйә­ләшкәндәр. Кисә яратҡан бесәйе йән биргән, әле уны зыяратҡа алып китеп бара икән. Ун тәңкәлек торт ҡабына һалып...
Ә тегеһе? Ҡылған ҡылығынан ҡәнәғәт ҡарсыҡ сәй ҡайнатҡас, ирендәрен ялай-ялай өҫтәлдәге ҡапты аса...

И. САБИТОВ.

Фото: klykva.ru