+28 °С
Облачно
Йөҙ йыллыҡты ҡаршылап...
28 Августа 2025, 12:35
Ирек КИНЙӘБУЛАТОВ (1938 — 2016)
Кинйәбулатов Ирек Лотфый улы Ҡырмыҫҡалы районы Абдулла ауылында тыуған. Шағир, журналист. Оҙаҡ йылдар “Һәнәк” журналында эшләй. Башҡортостан Республикаһының Салауат Юлаев исемендәге дәүләт премияһы лауреаты. «ҺӘНӘК» ХӘЛЕНӘ КЕРЕП Иларғамы, көлөргәме икән –Килде тотош «Һәнәк» заманы;Ерҙә яҡшылыҡтар кәмей көн дә,Арта ғына бара яманы. Көнө-төнө яҙғанда ла бөтмәҫҺин яҙаһы – сәнсер нәмәләр.Ағым ыңғайына барғанда ла,Ҡомға терәләләр кәмәләр.
Ирек КИНЙӘБУЛАТОВ (1938 — 2016)
Әллә кемдең ҡулдарында хәҙер
Беҙ төҙөгән фабрик-заводтар.
Оятһыҙҙар эттәй ҡоторалар,
Һандар бөтә бара зауыҡҡа.
Аҡса, тиһәң, кеше бер ни тормай,
Йәшәп ятҡан ерең һатыла.
Ярамаған кеше генә түгел,
Парламентҡа хәтлем атыла.
Донъя баштан аяғына тиклем
Дауаланмаҫ сиргә һабышҡан.
Йөҙләп хужа шундуҡ килеп сыға
Бер бәләкәй генә табышҡа.
Ҡала, ауылдарҙа уңғандар ҙа
Бөтөнләйгә эштән биҙҙеләр.
Алдаҡсылар, бурҙар уңғанланды,
Көнө килгәнлеген һиҙҙеләр.
«Һәнәк», хәлеңде мин яҡшы беләм,
Дөрөҫ һүҙ ярамай туғанға.
Бар йәбеңде тиҙ үк һындырырҙар,
Ныҡ тотонһаң борос, һуғанға.
Бөтәһен дә күреп раҫты яҙһаң,
Шуға биреп барлыҡ һәләтте,
Һаман һаның етмәҫ, хаҡты яҙһаң.
Көн дә сығарһаң да «Һәнәк» те!
