+28 °С
Болотло
Йөҙ йыллыҡты ҡаршылап...
4 Сентябрь 2025, 05:25
Сәләх КУЛИБАЙ
Сәләхетдин Ғәбит (Ғибәҙәт) улы Кулибаев. (1910 йылдың 2 июле — 1976 йылдың 15 октябре ) — хәҙерге Баймаҡ районы Таһир ауылында тыуған. Шағир, драматург һәм тәржемәсе. “Һәнәк” журналы менән даими хеҙмәттәшлек иткән. Башҡорт АССР-ының атҡаҙанған мәҙәниәт хеҙмәткәре. Бүкәншин Уға нимә? Бөгөн унда, Ә иртәгә тегендә, Унда таҫыл, бар һәләтлек, Тап та ҡалмаҫ эҙендә. Берәй артелдән ул "сиртте", Икенсеһенән – "типте".
Сәләх КУЛИБАЙ
Өсөнсөһөнән сумкаһын
Тултырып алып китте.
"Кәкте", "сәлде" һәм ул "һөрттө",
Кәрәк урында "төрттө".
Әммә "урланы" һүҙен тик
Бүкәншин белмәй төптө.
Бер күреүҙә ул – ярҙамсы,
Бер күреүҙә – директор,
Оса икән был посынан,
Ә иртәгә күреп тор:
Берәй завтың замы булып,
Яңы пост ҡабул итер,
Хатта теге артель эшен
Үҙе тикшереп китер.
Намыҫһыҙ, бысраҡ, йолҡҡос, тип,
Бында ябылһа ишек,
Унда Бүкәншин ағаңа
Әҙер баш һыйыр тишек.
Әле булһа был Бүкәншин
Үҙ бүкәнен тапмаған:
Сөнки уны йә кейәүе,
Йә ҡоҙаһы ҡаҡмаған,
Ҡара эштәрен аҡлаған
Әшнәләр күп – һаҡлаған.
Фото: rihll.com
Сәләх КУЛИБАЙ
