Бешереп туралған сөгөлдөр, кишер, картуф, тоҙло ҡыяр, тоҙло кәбеҫтә, йәшел борсаҡты үҫемлек майы, тоҙ, саҡ ҡына уксус менән боросто бергә ҡушып бутайһың да – салат әҙер.
Был салаттың килеп сығышы тураһында төрлө фекерҙәр бар. Екатерина II батшалыҡ иткән мәлдә ашнаҡсыһы уға ошо ризыҡты әҙерләгән,тип тә белдерәләр. Батшабикә салатты ҡабып ҡараған да: «Фи! Не грето!” тигән, имеш. Ә икенсе берәүҙәр, винегрет беҙҙең табынға алман һәм скандинав кухняһынан ингән, ти. Халыҡ телендә лә бит винегрет- буталсыҡ тигән мәғәнәлә әйтелгән һүҙ. Нәҡ шуның кеүек, винегретҡа ла бит үҙең теләгән ингредиенттарҙы һалырға була.
Фото: yablor.ru