*Кәбеҫтәне бешергәндә өҫтөнә ҡапҡас япмағыҙ. Бешеп етер алдынан аҙ ғына аш һеркәһе һәм шәкәр ҡомо һалып ебәрегеҙ. Шулай эшләгәндә кәбеҫтәнең тәме бөтөнләй икенсе була.
*Ҡыҙған картуф тәмлерәк булһын тиһәгеҙ, һуғанды айырым ҡыҙҙырып, һуңынан ҡушығыҙ.
*Ашнаҡсылар, ҙур ит киҫәген ҡыҙҙырғас, уны бүлмә температураһында “ял иттерергә” кәңәш итә. Был ваҡытта ит уртаһында булған һыуҙар бар киҫәккә таралып бөтә һәм ризыҡ тәмлерәк була.
*Бешкән икмәк матур булып күренһен өсөн, мейескә ҡуйыр алдынан уның өҫтөнә тоҙло һыу бөркөгөҙ. Бының өсөн 2 аш ҡашығы һыуға бер аҙ тоҙ һалып болғатырға кәрәк.
*Төрөктәр тәмләткестәрҙе быяла һауыттарҙа һаҡларға кәңәш итә. Уларҙың тәмен һәм еҫен ҡағыҙ пакеттар боҙорға мөмкин.
*Күмәс һәм кекстар “ялтыраһын” өсөн, уларға бешкәс, глазурь (шәкәр шәрбәте) яғығыҙ. Ул былай яһала: 2-3 аш ҡашығы шәкәр ҡомон шул уҡ күләмдәге һөттә иретегеҙ һәм сироп барлыҡҡа килгәнсе йылытығыҙ.
*Сохари валсығын арыш йәки икенсе сортлы он, манный бутҡаһы, кукуруз ярмаһы йәки оно алмаштыра ала.
Фото: www.apost.com