Шулай итеп, ҡайнатма өсөн бер килограмм ҡабаҡ, бер лимон, ике әфлисун һәм 800 грамм шәкәр кәрәк. Таҙартылған ҡабаҡты шаҡмаҡлап турайбыҙ. Лимондың төштәрен алып ташлайбыҙ ҙа, ҡабығы менән бергә ваҡлайбыҙ. Әфлисунды шулай уҡ төштәренән һәм ҡабығынан таҙартып турарға ла шәкәр һалып, төнгөлөккә шул килеш ҡалдырырға. Иртәгәһенә утҡа ҡуябыҙ һәм ҡуйырғансы ҡайнатабыҙ. Яҡынса 30-40 минут. Әгәр теләгегеҙ булһа, блендер менән ваҡларға һәм тағы бер тапҡыр бешереп алырға мөмкин.
Фото: vosadu-li-vogorode.ru