+12 °С
Ясна
Бөтә яңылыҡтар

Бала саҡ пирәжкиҙәре

Их, телеңде йоторлоҡ була ла инде майҙа ғына тәгәрәп бешкән пирәжкиҙәр. Тәмле май еҫе хатта урамға уҡ тарала. Биленә алъяпҡыс быуып, яулығын ҡырын һалып ҡына бәйләгән әсәйҙәр күҙ алдына килә. Урамда өшөп-туңып уйнап инеүеңә өҫтәлдә теге тәмлекәстәр күҙҙе ҡыҙырып, тәлинкәгә өйөлөп ҡуйылған була. Әсәйҙәр әлеге кеүек ҡамырҙы сүпрә һалып ҡабартмаған, ә бына ошондайыраҡ рецепт менән эшләгән.

Бала саҡ пирәжкиҙәре
Бала саҡ пирәжкиҙәре

Ҡамыр өсөн: 0,5 литр кефир (ойоған һөт), 1 сәй ҡалағы сәй содаһы, 2 сәй ҡалағы шәкәр, 3 стакан он, 3 аш ҡашығы үҫемлек майы.

Ҡамырҙы баҫып, бер сәғәткә һыуытҡысҡа ҡуйырға кәрәк. Шул арала картуфтан иҙмә яһайбыҙ.

Ҡамырҙы шарҙарға бүлеп, эсенә иҙмә һалып, пирәжкиҙәр яһайбыҙ ҙа майлы табала ҡыҙҙырабыҙ.

Сәйҙәрегеҙ тәмле булһын!

Фото: dachadecor.ru

Автор:Дилара Арсаева
Читайте нас: