+20 °С
Ямғыр
Бөтә яңылыҡтар

Эремсекле таяҡсыҡтар

Сәй янына бер тәмлекәс бешереп алайыҡ. Бының өсөн кәрәк: 200 грамм эремсек, 2 стакан он, ярты стакан шәкәр ҡомо, 150 грамм аҡ май, 1 аш ҡашығы ҡаймаҡ, аш һеркәһе менән һүндерелгән ярты сәй ҡалағы сода, тәменсә ванилин, биҙәү өсөн шәкәр оно.

Эремсекле таяҡсыҡтар
Эремсекле таяҡсыҡтар

Әҙерләү барышы:

Эремсеккә шәкәр ҡомо, йомшартылған аҡ май, сода, ванилин, ҡаймаҡ, он ҡушып, ҡаты булмаған ҡамыр баҫабыҙ.

Ҡамырҙы ярты сантиметр ҡалынлыҡта йәйәбеҙ һәм тар ғына таяҡсыҡтар рәүешендә киҫеп сығабыҙ. Һуңынан майланған табаға теҙәбеҙ һәм 200 градусҡа  тиклем ҡыҙҙырылған духовкала 30 минут тирәһе бешереп алабыҙ.

Уларҙы духовканан алғас, шәкәр оно һибергә була.

Сәйҙәрегеҙ тәмле булһын, дуҫтар!

Фото: receptisalatov.com

 

Автор:Дилара Арсаева
Читайте нас: