-21 °С
Болотло
75 лет Победы
Бөтә яңылыҡтар

Балыҡтан бәлеш

Ашығып йөрөгәндә, ҡул аҫтында нимә бар, шуларҙы файҙаланып ҡына бынамын тигән ризыҡ әҙерләргә мөмкин. Күпселек гүзәл заттарыбыҙҙың ваҡыты самалы булыуын иҫәпкә алып, еңел генә әҙерләнгән бәлеш рецебы тәҡдим итәбеҙ.

Балыҡтан бәлеш
Балыҡтан бәлеш
Ҡамыр өсөн кәрәк: 1 стакан кефир, ярты стакан майонез, 3 йомортҡа, 8 ҡалаҡ он, самалап тоҙ.
Эслек өсөн: 1 стакан дөгө ярмаһы, 1 банка майлы консерва (сайра йәки башҡа төрлө балыҡтан).
Иң башта дөгө ярмаһына аҙ ғына тоҙ һалып, талғын утта бешереп алабыҙ. Аҙаҡ һалҡын һыуға һалып сайҡатып, һыуын һарҡытабыҙ.
Бер банка сайра консерваһын сәнске менән иҙәбеҙ.
Кефирға майонез, йомортҡа, он һәм тоҙ һалып, шыйыҡ ҡаймаҡ ҡуйылығына еткәнсе болғатабыҙ.
Майланған табаға ҡамырҙың яртыһын ҡойғас, өҫтөнә тигеҙ генә итеп әҙер дөгө ярмаһын, шунан һуң консерва балығын һалабыҙ ҙа ҡалған ҡамырҙы ҡойоп сығабыҙ. 180-200 градус ҡыҙыулыҡтағы духовкала 25-30 минутта әҙер була.
Автор:
Читайте нас в