Холодец яһанығыҙмы әле?

Һөйәкле иттәрҙе йыуып, һалҡын һыулы кәстрүлгә һалабыҙ. Һыуы ҡайнап сығар алдынан күбеген йыйып, тоҙ һалабыҙ. Һалмаҡ ҡына утта кәмендә 5–6 сәғәт бешерәбеҙ.

Шунан һуң кәстрүлгә башлы һуған һәм кишер (турамайынса) һалабыҙ ҙа тағы 20 минут ҡайнатабыҙ. Лавр япрағы һәм түңәрәк борос өҫтәп, утта тағы 10–15 минут тотабыҙ.
Итте кәстрүлдән сығарып, һөйәгенән айырабыҙ һәм турайбыҙ. Йәшелсәне, лавр япрағын һәм боросто һурпанан йыйып алабыҙ.
Туралған итҡә ваҡлап туралған һарымһаҡ өҫтәйбеҙ. Өҫтөнә һөҙөлгән һурпа ағыҙабыҙ. Һыуына төшкәс, һыуытҡысҡа ҡуябыҙ.
Телеңде йотарлыҡ холодҽц килеп сығасаҡ!

"Файҙалы кәңәштәр" төркөмөнән.