+22 °С
Ясна
Бөтә яңылыҡтар

Их, тәмле лә табикмәге!

Манный ярмаһынан ғына (онһоҙ) әҙерләнгән, бик тәмле, туҡлыҡлы был табикмәкте, хатта манныйҙы яратмаған балалар ҙа бик яратып ашай. Күберәк тойолһа, ингредиентарын ярты күләмдә генә алығыҙ.

Их, тәмле лә табикмәге!
Их, тәмле лә табикмәге!

1 аш ҡашығы ҡоро сүпрәгә (кибеттеке) 1 сәй ҡашығы шәкәр ҡомо, 1 аш ҡашығы он, ярты сынаяҡ йылы һыу һалып, бутап, ҡабартырға ҡуйығыҙ. Ул арала 1 килограмм манный ярмаһына 700-800 мл йылы һөт, 0,5 -1 сәй салағы тоҙ һалып, икмәк ҡамыры кеүек ҡатыраҡ итеп ҡамыр баҫырға. Сүпрә әҙер булғас, уны ла ҡамырға ҡушып, яҡшылап бутап, йылы урынға ултыртырға. Ҡамыр 40-45 минутта ҡабарып менә. Ҡайнап торған 1 литр һөт һалып тиҙ генә болғатырға һәм алдан күпертелгән 7-8 йомортҡа ҡушып туҡыйбыҙ. Йәнә 1,5 сәғәткә ҡабартырға ҡуйырға. Унан һуң инде табикмәкте көнбағыш майында бешерә башларға ла була. Ҡуйырыбыраҡ китһә, ҡайнар һөт өҫтәргә мөмкин.

Фото: rutube.ru

Автор:Дилара Арсаева
Читайте нас: