-7 °С
Ҡар
Бөтә яңылыҡтар
Тәмле ризыҡ – йәнгә шифа
3 Октябрь , 18:00
Балан ҡатығы
Балан – халҡыбыҙҙың хан һыйына торошло ризыҡтарының береһе. Ҡунаҡ табынында ҡаҙы, ҡымыҙ, ҡорот, бал кеүек ризыҡтар менән бер рәттә ҡуйылырға тейешле ризыҡтарыбыҙҙың береһе һуңғы йылдарҙа лайыҡһыҙ рәүештә онотолоп бара.
Балан ҡатығы
Балан яратыусыларға беҙҙең өләсәйҙәрҙән ҡалған бер-нисә рецепты тәҡдим итәбеҙ.
Балан ҡатығы – ул беҙҙең бала саҡ ризығы. Балан ҡатығы һуғыш йылдарында иң ҡиммәтле ризыҡтарҙың береһе булып торған. Беҙҙең өләсәйҙәр, әсәйҙәр атайҙарыбыҙ һуғыштан ҡайтыуға балан ҡатығы әҙерләп ҡуйғандар. Баланды талғын ғына мейестә оҙаҡ итеп бешергәндәр. Өҫтө ҡамыр менән ябылған суйын сүлмәктәге балан шулай сәғәттәр буйына бығып ултыра. Шунан һөҙөп, балан ҡатығы яһағандар. Уны тар ғына ауыҙлы йоморо балсыҡ көршәктә һаҡлағандар.
Өрөклө балан һыуы – бешкән балан һыуына кипкән өрөк һалып, бер нисә көнгә ҡараңғы урынға томалап ултыртып ҡуяһың. Өрөк менән балан бер-береһенең тәмен үҙенә һеңдереп, иҫ киткес тәмле лә, файҙалы ла эсемлек килеп сыға.
Балан һөйәген дә ташламаған беҙҙең өләсәйҙәр. Уны киптереп, килегә һалып төйгәндәр. Шунан онталған балан һөйәгенә ниндәй ҙә булһа берәй еләк ҡушып, ләүеш йәки асыҡ ауыҙға эслек итеп ҡулланғандар. Әйткәндәй, балан һөйәгенең онтағы йөрәккә бик файҙалы.
Балан ҡағынан рулет. Баландан ҡаҡ ҡойоп, бер аҙ киптереп алғас, өҫтөн бал менән йөҙләйҙәр. Шунан тигеҙ генә итеп ҡаймаҡ йәки аҡ май яғып сығаһың да рулет итеп төрәһең. Рулетты шулай уҡ ҡаймаҡ һәм шәкәр ҡушылған эремсек менән дә эшләргә мөмкин. Бер аҙ ҡатһын өсөн һалҡын урынға ҡуйып торорға кәрәк. Рулетты йоҡа ғына итеп телеп табынға ҡуялар.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60