-5 °С
Болотло
Бөтә яңылыҡтар
Тәмле ризыҡ – йәнгә шифа
11 Март , 14:30
Өс төрлө ҡыҫтыбый
Ғәҙәттә, ҡыҫтыбыйҙы картуф иҙмәһе йәки тары бутҡаһы һалып бешерәләр. Ә бөгөн беҙ һеҙгә уның кәбеҫтәле төрөн дә тәҡдим итәбеҙ. Ҡамыр өсөн: 0,5 литр ҡатыҡ (кефир), бер йомортҡа, бер балғалаҡ тоҙ, 50 грамм аҡ май, кәрәгенсә он. Йомшаҡ ҡына итеп ҡамыр баҫып, 15-20 минут "ял иттереп" алырға. Артабан ҡоро табала йәймәләр бешерергә.
Өс төрлө ҡыҫтыбый
Эслектәр.
- Картуфты әрсеп, һалҡын һыуға һалып бешерергә. Самалап тоҙ һалырға. Ҡайнап сыҡҡан һөт, аҡ май ҡушып иҙергә. Борос ҡушырға ла мөмкин.
- Тары ярмаһын йыуып, 10-15 минут ҡайнар һыуҙа тоторға (шулай иткәндә әсеһе бөтә). Ҡайнап сыҡҡан һөткә һалып, тоҙ өҫтәп, бешереп алырға. Ҡыҫтыбыйға йылы килеш һалырға.
- Кәбеҫтәне ваҡ ҡына итеп шаҡмаҡлап турап, аҙ ғына май һалынған табала ҡыҙҙырырға. Бер аҙ йомшарһа, өҫтөнә һөт ҡойоп, томалап бешерергә. Яртылаш әҙер булғас, тоҙ, борос өҫтәргә.
Һәр ҡыҫтыбыйҙың тышын иретелгән аҡ май менән майларға. Майлы ризыҡ яратмаһағыҙ, ҡоро килеш тә бик тәмле.
Ашығыҙ тәмле булһын!
Рецепт – Альмира Миңнуллина-Яппарованың сәхифәһенән.
Фото: sovet-ok.ru
Новости партнеров