+20 °С
Болотло
Бөтә яңылыҡтар
Милли проекттар
19 Ғинуар 2023, 16:00

Уңышлы проект

Башҡортостанда ауыл мәктәптәрендә эшләгән йәш белгестәргә бүленгән гранттар һаны 150-гә етте. Был хаҡта хөкүмәттең премьер-министры Андрей Назаров белдерҙе. Грант буйынса дәүләт ярҙамы 690 мең һум тәшкил итә. 2023 йылда республикала шул маҡсатҡа 103,5 миллион һум аҡса бүленәсәк.

Уңышлы проект
Уңышлы проект

Башҡортостан уҡытыусыларына гранттар бүлеү хаҡындағы ҡарар 2019 йылдың июнендә раҫланды. Уға 35 йәшкә тиклемге мөғәллимдәр дәғүә итә ала. Йәш уҡытыусының хеҙмәт стажы бер үк районда ун йылдан да кәм булмайса, ғариза бирелгән ваҡытта эшләгән мәктәптәге стажы 3 йыл булып, шул ауыл ерлегендәге халыҡ һаны 15 меңдән артыҡ булмаҫҡа тейеш.

Премьер-министр 2022 йылдағы мәғариф өлкәһендәге эшсәнлеккә һөҙөмтә яһаны. Ул белдереүенсә, “Профессионалитет” федераль проекты нигеҙендә 4 мәғариф кластеры өсөн республикаға 400 миллион һум аҡса бүленгән, 121 оҫтахана ҡоролған, уларҙың 12-һе федераль проект нигеҙендә һәм 109-ы – WorldSkills чемпионаты мираҫы.

Тәрбиәселәр ҙә ситтә ҡалмай. Республикала “Мәктәпкәсә йәштә белем биреү Сертификаты” проекты уңышлы эшләп килә. 2022 йылда шундай 2000 сертификат бирелгән.

Фото: https://svetput.ru/

Автор:Дилара Арсаева
Читайте нас: