Эремсекле ҡамырҙан тәмлекәс

Ҡамыр өсөн кәрәк:

- Эремсек- 150 г. 
- Шәкәр - 75 г.
- Йомортҡа - 1 шт.
- Тоҙ- бер семтем
- Көнбағыш майы - 6 аш ҡалағы 
- Ванилин - 1 пакет
- Он - 250 г.
- Разрыхлитель - 1 пакет
Эслек өсөн:
- Алма - 3 шт.
- Шәкәр- 100 г.
- Корица - 1 бал ҡалаҡ  
- Мәк - 1 аш ҡалағы
Ҡамырҙы барлыҡ ингредиеттарын ҡушып баҫып, 20 минутҡа урап һалып торабыҙ. Алманы киҫәктәргә бүләбеҙ. Ҡамырҙы икегә бүлеп 24 см диаметрлы, 5 мм ҡалынлыҡта йәйбеҙ, 8 секторға ҡырҡабыҙ. Һәр өсмөйөштә 3 киҫек (надрез) яһап, ҡалын яғына алманы теҙеп, өҫтөнә шәкәр менән корица һибәбеҙ. Нәҙек яғын әйләндереп конверт яһайбыҙ. Әҙер конверттарҙы майлы табаға теҙеп, өҫтөн 1 йомортҡа һарыһы һәм 0,5 стакан һөт ҡушылмаһы менән һөртөп, мәк һибеп 25 минут тирәһе, алтын төҫкә ингәнсе духовкала бешереп алабыҙ. Яҡындарығыҙға мотлаҡ оҡшар!