+20 °С
Облачно
Тәмле ризыҡ – йәнгә шифа
29 Ноября 2022, 12:20
Баланлы бәлеш
Баланлы бәлеште әскелтем, үҙенсәлекле тәме өсөн күптәребеҙ ярата. Ул һаулыҡ өсөн файҙалы ла. Әлегеһе сүпрәле ҡамырҙан әҙерләнә. Уның өҫтө көпләнмәй, теләк буйынса, ҡамыр менән төрлөсә биҙәкләргә була.
Баланлы бәлеш
Кәрәк буласаҡ: он – дүрт сынаяҡ, һөт – бер сынаяҡ, йомортҡа – 1 дана, май – 100 грамм, сүпрә – 25 грамм, шәкәр – 1,5 сынаяҡ, тоҙ – ¼ балғалаҡ, балан – 700 грамм.
Әҙерләү тәртибе:
- Һөткә сүпрәне, 100 грамм шәкәрҙе һалып иреткәс, майҙы өҫтәп, он ҡушып, ҡамыр баҫабыҙ.
- Ҡамыр бер тапҡыр ҡалҡҡас, кире, баҫып, тағы ла ҡалҡҡанын көтәбеҙ. Артабан уның өстән ике өлөшөн бүлеп алып, форма эсенә йәйәбеҙ.
- Ҡамырҙың өҫтөнә баланды һалып, шәкәр һибергә кәрәк.
- Ҡалған ҡамырҙан төрлө биҙәктәр эшләп, бәлештең ситтәрен ябабыҙ, йомортҡа һөртөп сығабыҙ.
- Мейесте 200 градусҡаса эҫетеп, бәлеште 40-50 минут бешерәбеҙ.
Сәйҙәрегеҙ тәмле булһын!
Фото: kp-nyagan.ru
