+30 °С
Болотло
Тәмле ризыҡ – йәнгә шифа
22 Декабрь 2023, 08:00
Байрам табынына милли ризыҡ
«Өйрәк һуйғас, байрамдарҙа ҡуллама (ҡулһалма тип тә йөрөтәбеҙ) бешерә торғайныҡ. Әсәйемдең тыуған яғы – Силәбе өлкәһе Арғаяш районында тап ошолай әҙерләйҙәр һалманы. Өйрәк итенең тоҙлоғо бик майлы, шулай ҙа, был ризыҡты ашағанда битең ялтырап ултырһа ла, һарымһаҡ ҡушҡас, ул ашауға ауыр түгел», – ти Миләүшә Сәйғәфәр ҡыҙы Ҡаһарманова. Әйҙәгеҙ әле, арғаяшса ҡуллама бешереп, яҡындарыбыҙҙы һыйлайыҡ!
Байрам табынына милли ризыҡ
ҠУЛЛАМА
1 өйрәк ите, йомортҡа, он, һарымһаҡ, тоҙ, һыу кәрәк.
Өйрәкте бөтөн килеш 1 сәғәт 10 минут ҡайнатабыҙ. Һурпаның тоҙлоғон алып торабыҙ. Шунан өйрәкте алып мейескә ҡуябыҙ һәм ҡыҙарып әҙер булғансы бешерәбеҙ.
Йомортҡа менән генә ҡамыр баҫып, ғәҙәти һалманан саҡ ҡына ҡалыныраҡ итеп йәйәбеҙ. Шунан ус аяһындай ҙурлыҡта шаҡмаҡлап ҡырҡабыҙ ҙа һурпала йөҙҙөрөп кенә бешереп алабыҙ.
Ҡулһалманы тәрилкәгә ҡатлам-ҡатлам итеп һалабыҙ, араһына һарымһаҡ иҙеп һалынған тоҙлоҡто ҡоя барабыҙ. Йылы килеш ит менән табынға бирәбеҙ.
Фото: Булат Маликов.
Сығанаҡ: https://bashkizi.ru/articles/t-mlek-s/2022-12-29/milli-rizy-b-r-k-te-3086729
