+30 °С
Болотло
Тәмле ризыҡ – йәнгә шифа
6 Март 2025, 10:00
“Бөҙрә сәсле егет” торты
Был торттың аталышы ла, тәме лә үҙенсәлекле. Шулай итеп, 2 стакан ҡаймаҡты, 2 стакан шәкәрҙе, уксуста һүндерелгән 1,5 сәй ҡалағы соданы һәм 2 стакан ондо яҡшылап болғатырға һәм алдан ҡыҙҙырырға ҡуйылған духовкаға 20-25 минутҡа бешерергә ҡуйырға. Ул бешкәнсе крем эшләй торорға: 600 грамм ҡуйы магазин ҡаймағына 1 стакан шәкәр ҡомо йә иһә шәкәр пудраһы, ярты лимон һуты һалып, яҡшылап болғатырға.
“Бөҙрә сәсле егет” торты
Бисквитты бешеп етеү менән киҫмәҫкә, һыуынғанын көтөргә. Шунан ике бармаҡ башы ҡәҙәр шаҡмаҡтарға бүлгеләп, лимонлы-ҡаймаҡлы кремда ҡойондорорға. Өҫтөнә глазурь яғырға. Уныһы былай эшләнә: 4 аш ҡашығы ҡаймаҡ, 3 аш ҡашығы какао, 4 аш ҡашығы аҡ майҙы, 4 аш ҡашығы шәкәр ҡомон талғын утта иретергә, әммә ҡайнатып сығармаҫҡа. Шуны тау һымаҡ өйөлгән торттың өҫтөнә ағыҙырға.
Был торт бигерәк тә икенсе көндө телде йоторлоҡ була.
Хужабикәләр, иренмәгеҙ, пешереп ҡарағыҙ, үкенмәҫһегеҙ!
Фото: http://kiziltan.ru
