+28 °С
Болотло
Тәмле ризыҡ – йәнгә шифа
22 Май 2025, 10:00
Ҡуҙғалаҡтан аш-һыу
Ҡуҙғалыҡ бәлеше Кәрәк: 120 грамм ҡуҙғалаҡ, 150 мл кефир, 2 йомортҡа, 50 грамм сыр, 100 грамм он, семтем тоҙ, 3 грамм йомшартҡыс, тәмләткестәр. Әҙерләү: йомортҡаны кефирға, тоҙға ҡушып болғағыҙ. Унан он, йомшартҡыс, тәмләткестәр ҡушығыҙ. Сырҙы ҡырҡыстан үткәреп өҫтәгәс, килеп сыҡҡан массаның яртыһын табаға ҡойоғоҙ. Тураҡланған ҡуҙғалаҡты һалғас, ҡалған массаны ҡойоғоҙ. 180 градуста йылытылған мейестә 40 минут бешерегеҙ.
Ҡуҙғалаҡтан аш-һыу
Ҡуҙғалаҡтан ҡайнатма
Кәрәк: 170 грамм ҡуҙғалаҡ, 150 грамм шәкәр, 2 аш ҡалағы шәкәр.
Әҙерләү: ҡуҙғалаҡты йыуып киптергәс тураҡлағыҙ. Һыуға шәкәр ҡушып ҡайнатып алғас, шул сиропҡа ҡуҙғалаҡты ҡушығыҙ ҙа ҡуйырғансы ҡайнатығыҙ.
Ҡуҙғалаҡтан турама
Кәрәк: 1 ҡыяр, 100 грамм редис, 30 грамм ҡуҙғалаҡ, 1 аш ҡалағы ҡаймаҡ, семтем тоҙ.
Әҙерләү: ҡыяр менән редисканы дүңгәләкләп ҡырҡығыҙ, ҡуҙғалаҡты тураҡлағыҙ. Тоҙ һибеп, ҡаймаҡ менән бутағыҙ.
Ҡуҙғалаҡтан компот
Кәрәк: 200 грамм ҡуҙғалаҡ, 150 грамм шәкәр, 1 литр һыу.
Әҙерләү: ҡуҙғалаҡты йыуып таҙалап кәстрүлгә һалығыҙ. Шәкәр һибеп, һыу ҡойоп болғатығыҙ. Ҡайнап сыҡҡас, тағы 3 минут утта тотоғоҙ.
https://ataisal.com/articles/khuzhabik-g/2024-05-06/u-ala-tan-ash-yu-3756120
