-14 °С
Ҡар
75 лет Победы
“ҺӘНӘК”кә яҙыл һәм бүләкле бул!
Бөтә яңылыҡтар
Бәйгеләр
8 Ноябрь , 09:00

Һылыуҡайҙар еңеү менән ҡайтты

Уҙған аҙнала Мәскәүҙә «Берҙәмлек һылыуҡайы», «Европа һылыуҡайы», «Азия һылыуҡайы» һәм «Little Донъя һылыуҡайы» бәйгеләре уҙҙы. Республикабыҙҙы алты һылыуҡай күрһәтте, уларҙың дүртәүһе Өфөлә төбәк этаптарында еңеү яулап, Мәскәүҙә ҡатнашыуға аҡсалата сертификаттар менән бүләкләнде.

Һылыуҡайҙар еңеү менән ҡайтты
Һылыуҡайҙар еңеү менән ҡайтты

«Һуңғы ике йылда башҡорт һылыуҡайҙары ышаныслы рәүештә Мәскәүҙә һәм Төркиәлә абруйлы халыҡ-ара матурлыҡ бәйгеләре тажын яулай», - ти Башҡортостанда милли гүзәллек бәйгеләре директоры һәм Мәскәүҙә WAF бәйгеләренең рәсми вәкиле Айгөл Үтәгәнова.

Ошо көндәрҙә яҡташтарыбыҙ Өфөгә төрлө конкурстарҙан алты таж менән ҡайтты:

     «Берҙәмлек һылыуҡайы» - Йәсмин Зәйетова (гран-при) һәм Ангелина Баркутова (1-се урын);
     «Берҙәмлек һылыуҡайы» (балалар араһында ) - Самира Вахитова (1-се урын);
     «Мисс Азия» - Камилла Әпсәләмова (1-се урын);
     «Little Донъя һылыуҡайы» - 4 йәшлек Кира Әпсәләмова;
     «Мисс Европа» - Зарина Йәнбирҙина (гран-при).

Өфөнән ике ҡыҙ «Мисс донъя» халыҡ-ара бәйгеһенә кастингты үтте һәм 111 ҡатнашыусынан егерме ҡыҙ иҫәбенә Зарина Йәнбирҙина һайлап алынды. Ҡыҙҙарға дизайнерҙар тажы, бүләктәр һәм 2024 йылда халыҡ-ара матурлыҡ бәйгеләрендә ҡатнашыу өсөн сертификаттар тапшырылды. 

Фото: башинформ

Автор:
Читайте нас в