+26 °С
Болотло
Бөтә яңылыҡтар
Бәйгеләр
15 Ноябрь 2023, 14:00

Мар.СӘЛИМ британия бәйгеһе еңеүсеһе

Афарин, Марсель ағай! Ихлас күңелдән ҡотлайбыҙ! Башҡортостан Республикаһының халыҡ яҙыусыһы, “Һәнәк” журналының 1980-2010 йылдарҙы мөхәррире Марсель Сәлимов «Open Eurasia: Super Cup» ("Асыҡ Евразия: Суперкубок”) бәйгеһендә мәртәбәле еңеү яуланы.

Мар.СӘЛИМ британия бәйгеһе еңеүсеһе
Мар.СӘЛИМ британия бәйгеһе еңеүсеһе

Халыҡ-ара жюри комиссияһы ҡарары менән “нон-фикшн” категорияһында яҡташыбыҙ еңеүсе тип таныла һәм бүләккә Лондондың иң абруйлы нәшриәтенең береһендә үҙ китабын баҫтырыуға грант ала.

Был бәйге Евразияның иң дәрәжәле әҙәби турнирҙарының береһе булып тора. Уны 2012 йылдан Евразия Ижади Гильдияһы (ECG) үткәрә һәм бөтә донъянан меңәрләгән яҙыусыларҙы йәлеп итә.

Марсель Сәлимов фестивалдә спикер сифатында ҡатнашып, "Донъя буйлап башҡорт көлөүе" исемендәге ижади кисә үткәрҙе. Шиғри бәйге һөҙөмтәләре буйынса юморист Барбара Юрковская-Навроцкая исемендәге миҙал менән дә бүләкләнә, уны “Poezja London” Поляк-Британ ойошмаһы башлығы Адам Семенюк тапшыра.

Фото: https://www.awardslondon.com/

 

Автор:Дилара Арсаева
Читайте нас: