-4 °С
Болотло

Бөтә яңылыҡтар

13 Декабрь 2023, 09:23

ТАПҠЫРҘАР СЫҒА МАЙҘАНҒА

Халыҡ шағиры Марат Кәримовтың ҡымыҙ эргәһендә ял итеүен тағы бер Кәримов (Юлай) ағай объективына нисек оҫта эләктереп алған булһа, сәсән телле дуҫтарыбыҙ күптәрҙең күҙенә лә күренмәгән биҙәктәрҙе шулай элде ҡәләм осона. Илһам Латипов теге юлы 261 яуап яҙҙы һәм тағы бер рекорд ҡуйҙы. Ун авторҙың яуаптары иң-иңдәре тип табылды һәм журналдың 12-се һанында бөгөн донъя күрҙе! Ә хәҙер, хөрмәтле төртмә телле сәсән дуҫтарыбыҙ, турнирҙы дауам итеп, һеҙҙең иғтибарға Рөстәм Ғатауллиндан өр-яңы һүрәт тәҡдим итәбеҙ! Һүрәткә авторҙан тәүге яуап шул булыр:

Рувики яҙа ҡартатай,

Ултырып гел арҡаға,

Бушамағас уйнарға,

Килдек уға ярҙамға.

Ноутбукка менәйем,

Төймәһенә төйәйем,

Бына миңә бер тәтәй,

Хәрефтәр теҙә тәпәй,

Апайым тағы йәһәт,

“Шыр хата бит, – ти, – төҙәт”.

Рөстәм НУРЫЕВ.

Ҡартатайҙың компуктеры
Эшләмәй бөгөн иртән.
Беҙ ҡарай торған йәнһүрәт
Экрандан ҡасып киткән.
Шуға баҫҡылап маташам
Ҡул талды, бармаҡ ялда...
"Һәнәк"кә яуап яҙабыҙ
Ҡартатайҙан да алда.

Рапат.

Был һүрәткә шиғыр яҙып,

Бер батман алдым балды.
Тәмләп, баллап сәйҙәр эстем,
Хәҙер батманы ҡалды.

Хәйҙәр КӨМӨШБАЕВ.

Министр сағыңда Википедиянан* сыҡманың, давай, ташла был холҡоңдо, була бел олатай.

Илдар ҒӘБИТОВ.

"Фиксик"тар ошонда, эстә,

Тоҡандыр әле, ятма.
Хәҙер инде беҙҙең сират,
Йоҡлап алһаңсы, ҡартай.

Руслан АБДУЛЛИН.

Ҡыҙҙар менән эй яҙыша,
Беҙең шилма олатай.
Күпме генә тырышһаҡ та,
Холҡон ташлатып булмай.

Йәнһүрәтте беҙгә ҡуймай,
"Бәйләнештә" көн буйы.
Уйындар ҙа ойоштормай,
Ҡыҙҙарҙа ғына уйы.

Беҙгә иғтибар бирмәгәс,
Экранды ла ҡапланым.
Йәнһүрәттәр күрһәтмәһәң,
Өләсәйгә һатамын.

Ана шулай көн оҙоно,
Олатай ниҙер яҙа.
Олоғайған һайын, бәлки,
Бәйеле аҙа бара.

Хәйҙәр КӨМӨШБАЕВ.

Бына ҡайҙа Бәхет таша!

Балалар балдан татлы!
Ҡартатайҙың йөҙө ҡояш,
Ҡандай мәл иҫтә ҡалды.

Йылдар үткәс, үҫеп еткәс,
Ҡат-ҡат ҡаралыр был саҡ.
"Татат" эшенә ҡыҫылып,
Эш туҡтатҡан сабый саҡ.

Эй, бәхетле ҡартлыҡ насип,
Ошо мәлде күргәнгә.
Баланың балаһын ҡыҫып
Күкрәгендә һөйгәнгә.

Гөлсөм ЗАКИРОВА.

Көнө буйы - интернетта,
Беҙгә иғтибарың юҡ.
Шуға ла бит мин ултырам
Һиңә арҡамды ҡуйып.

Фәрүәз СӘЙФУЛЛИН.

Йомшаҡ ҡына, йылы ғына

Олатайҙың ҡорһағы.
Шунда ултырып интернеттан
Донъя хәлен ҡарайһы.

Әкрәм ҠӘЙЕПҠОЛОВ.

Тимербулат МӨХӘМӘТҠОЛОВ.

Үҫеп кенә алайымсы,
Ҡартатайҙы уҙҙырам.
Хәрефтәрҙе таныу бурыс -
Барын 5-кә булдырам.

Теймә беҙгә, ҡамасау тип,
Донъяны өйрәнәбеҙ.
Тик әлегә ҡартатайға
Беҙ мәҙәк күренәбеҙ.

Компта яҙышҡан булаһың,

Өләсәй өйҙә юҡта.
Уҡып ҡала алмайым шул.
Удалять иткән саҡта.

Маргарита АҘНАҒОЛОВА.

Үҙгәрәләр заманалар,
Ҡорамалдар, тәтәйҙәр.
Үҙгәрмәйҙәр был донъяла
Аҡһаҡалдар, бәпәйҙәр!

Өҙә алмай заман заңы
Быуындар бәйләнешен,
Йәшәү йәме урғып торған
Донъялар әйләнешен!

Мөнир ИҠСАНОВ.

Әсәй ҡалдырып китте,
Ҡартатайға, ҡара, тип.
Садик эшләмәй икән
Көндәр һыуыҡ, буран, тип.

Ноутбук күҙҙе боҙа,

Ял ит бөгөн, олатай.
Йәнһүрәттең шәптәре
Күрһәтелә, ти атай.

Салауат КАМАЛОВ.

Элек ҡартатайҙар алды
Ейәндәрҙеке ине.
Бөгөн ноут-моут, айфон
Тормошҡа килеп инде.

Ейәндәрме? Уларға ла
Кәрәкмәй ҡартат алды.
Ноут тубығында урын
Уларға оҡшап ҡалды.

Иң уңайы был заманда:
Ноутбуклы ҡартатай.
Балаларҙың күңеле лә
Ул яҡ, был яҡҡа тартмай.

Фәнис СИРБАЕВ.

Интернеттан айырылмау,
Олатайға килешмәй,
Беҙҙең менән генә уйнау,
Уның тормошон йәмләй.

Әле кескәйбеҙ, килешәм,
Тиҙҙән үҫеп етербеҙ,
Бергә уйнаған саҡтарҙы,
Йыш иҫкә төшөрөрбеҙ!

Ноутбугы серле ҡурсаҡтай,
Төймәләргә баҫып сығайым.
Уйынсыҡтай серле ҡумтаң,
Үҙемә бер донъя асайым.
Ә ҡартатай бер һүҙ ҙә әйтмәй,
Орсоҡ кеүек үҙем дә.
Ғәжәп нимәһе тарта һуң,
Ала алмайым күҙемде.

Рәйлә ХИСМӘТУЛЛИНА.

1.Бер нәмә лә аңламағас,

Ноутбуктан ни файҙа?
Олатаһын күрәм бында,
Ә өләсәһе ҡайҙа?

Илһам ЛАТИПОВ.

Ҡартатайҙың алдында,
Ултырыуы рәхәт бит.
Көлә-көлә ятҡаныңда,
Эштәр боҙһам, харап бит

Маргарита АҘНАҒОЛОВА.

2.Терәлеп ҡарайым әле,
Уны мин беләм микән?
Ноутбуктағы һүрәт
Таныш түгелме икән?

Илһам ЛАТИПОВ.

Ноутбук, планшет,
Заманса мөғжизәһе.
Ваҡыт алып, көн үткәреү -
Уның төп ҡағиҙәһе.

Йәнһүрәт тә ҡарап булмай,
Ҡартатай... Иҫе киткән.
Кино ҡарап, уйын уйнап...
Малдар асығып бөткән

Өләсәйем ҡайтһа бәлки,
Ырғып торор ине ул.
Ҡурҡышынан компьютерҙы,
Беҙгә бирер ине ул.

Маргарита АҘНАҒОЛОВА.

Артта олатай,

Алда интернет.
Олатай ҡорһағы -
Минең кабинет.

Әкрәм ҠӘЙЕПҠОЛОВ.

3.Ниндәй замана тыуҙы,

Ноутбуктар-тәтәйҙәр.
Ғәзиз күҙҙәрен боҙоп,
Үҫәләр бит бәпәйҙәр.

Илһам ЛАТИПОВ.

Өләсәй ҙә ҡайтмай һаман,
Магазинға киткәйне.
Чупа-чупс алып ҡайтһа,
Комп та кәрәкмәҫ ине.

Маргарита АҘНАҒОЛОВА.

4.Бәхетле ҡартлыҡ...
Интернет-шатлыҡ.
Һүрәте матур,
Рөстәме - батыр.

Илһам ЛАТИПОВ.

5.Һүрәткә-шиғыр,
Фотоға-яуап.
Балаға шатлыҡ
Өләшеү - сауап.

Илһам ЛАТИПОВ.

6.Ноутбукта соҡонғанға
"Пять"ты ҡуяйым әле.
Модный-знатный һүрәткә
Автор булайым әле.

Илһам ЛАТИПОВ.

7.Ейәнсәр һәм олатай,
Һүрәттә юҡ өләсәй.
Интернетта был бәпәй,
Ҡайҙа булған ул, әсәй?

Илһам ЛАТИПОВ.

Балдан татлы балам балаһы,
Ғүмер көҙөн биҙәр биҙәктер.
Балалыҡ та менән ололоҡ ул,
Кисереше менән игеҙәктер.

Рәйлә ХИСМӘТУЛЛИНА.

8.Сабыйҙарға насип булды
Ноутбуклы замана.
Ә олатай интернетта -
Тәжрибәле "диуана".

Илһам ЛАТИПОВ.

9.Балалар баҡсаһына

Бөгөн бармайым әле.
Олатай ноутбугынан
Һүрәт ҡарайым әле.

Олатай, һин беҙгә лучше
Әкиәт һөйлә,
Шиғыр өйрәт, йә булмаһа,
Матур йыр көйлә.
Интернеттың зыянлығын
Һин бит беләһең.
Ауырып, ятып ҡуйырһың,
Тиһәм, көләһен
Юҡ, тыңламай, ҡалайтайым
Эх, татаҡайым.
Ҡайҙа, компьютерзы ғына
Ныҡлап ҡаплайым.

Фәнүрә СӘЙФУЛЛИНА.

10.Ғүмер көҙө һиҙелмәй,
Интернет оноттора.
Сабыйҙы ылыҡтыра,
Әсәйҙе бойоҡтора.

Илһам ЛАТИПОВ.

Ниңә, эшеңде туҡтатып,
Көлөп ятаң, ҡарттаһы?
Быяласы түгел әллә
Ейәнеңдең атаһы?

Сабыйҙың теле менән
Хәҡиҡәт һөйләй, тиҙәр.
Тел һөйәкһеҙ, уй төпһөҙ,
Ләкин бар тәпәй беҙҙә.

Раушан ҒӘЛИМОВ.

Розалия Муратова

Эти -Эниемнэрнен Вакыты юк, конозыны эштэ, ойгэ кайтсалар Интернетта, Ватсапта,Олайтайыбыз безнен белэн буген,
Лэкин Анын да ике кузе Ноутбукта.

Азнагулова Маргарита

Тәки компта йәнһүрәт
Ҡарап булманы инде.
Ҡартатайҙың күңеле булды,
Күрмәне хатта мине.

Азнагулова Маргарита

Ҡашың ҡара, мыйығыңда
Сәстәрең ап-аҡ һинең
Һинең көлөүеңде күреп
Иҫтәрем китә минең...

Азнагулова Маргарита

Бала саҡта беҙ,
Урамдан ҡайтмай инек.
Сана-саңғы шыуып
Көндәр үткәрә инек

Гульдар Калимуллина

Шәптер күрәһең бабай
Шиғыр ярата буғай.
,, Һәнәктә" тапҡыр турнирын
Күҙәтеп бара ыңғай.

Ышанам, ейәнсәренә
Башҡортса һөйләй бабай.
-Ярҙам кәрәкме ҡартатай?
Ярҙамлашырға уйлай.

Ейәнсәрҙәр тыуған мәлдә
Урта мәктәп тамамлай.
Өс йәшендә үҙ битләүен
Асырға тип самалай.

Булыр бала буғынан, тей
Зиһенле бала булыр.
Кем белә, ҡартатай һымаҡ
Министр булып ҡуйыр.

Башы бар, аҫтында ҡорһаҡ
Йылы, йомшаҡ платформа.
Ҡартатайҙың ҡуйынына
Янылыштан еппәрмә.

Бала йәне барометр
Йылыны улар һиҙә.
Һалҡын булһа менмәҫ ине
Уҫалдан бала биҙә.

Тырыша, белергә теләй
Интернет киңлектәрен.
Елкәңә генә менмәһен
Талмаһын беләктәрең.

Ҡарт ағас оҙаҡ йәшәгән
Йәш ағасҡа терәлеп.
Рөстәм ағай һаулыҡ бирһен
Йәшә ирәүәнләнеп.
Гөлдәр әбей.

Азнагулова Маргарита

Хәзер балаларҙың уйында,
Компьютерҙа,ноутбук
Шулайтып көн үтеп китә
Уҡыу уйында ла юҡ

Рәйлә Хисмәтуллина

Әйҙә, башҡортса йәнһүрәт,
Ҡарайыҡ әлҽ?
Йә булмаһа,
йәшҽнмәк
Уйнайыҡ сәлҽ?
Показать полностью...

Аниса Фаррахова

Ҡышҡы сатлама һыуыҡта,
Беҙ баҡсаға барманыҡ,
Олатайыбыҙ йортонда,
Рәхәтләнеп уйнаныҡ.
Белгән барлыҡ уйындарҙы,
Күмәкләшеп барланыҡ,
Хатта ҡорһаҡҡа ултырып,
Йәнһүрәттәр ҡараныҡ.

Гульзифа Исрафилова

Бабайҙарға ярамаған
Тапшырыу бара.
Ҡататай, покаға минең
Арҡаны ҡара!

Ринат Сулейманов

***
"Зомби" йәшник эсенән
Килеп сыҡмаһынмы ен.
Ярай кеше һынында,
Хет шуныһына һөйөн.
Показать полностью...