+16 °С
Болотло
Бәйгеләр
1 Июнь , 12:05
Афарин, Һәнәк ағайыбыҙ!
Ҡояшлы Башҡортостаныбыҙҙың баш ҡалаһында яҙыусылар һәм уҡыусылар шаулап-гөрләп уҙған халыҡ-ара китап байрамында йөрөп ятҡанда... көтмәгәндә Лондондан шәп яңылыҡ килеп төштө! «Open Eurasia» («Асыҡ Евразия») халыҡ-ара конкурсы йомғаҡтары буйынса «Шиғриәт» номинацияһында иң юғары баҫҡысты мәшһүр башҡорт сатиригы, Башҡортостан Республикаһының халыҡ яҙыусыһы, «Рәсәйҙең атҡаҙанған мәҙәниәт хеҙмәткәре», «Рәсәйҙең алтын ҡәләме» эйәһе, «Рәсәй журналистикаһы легендаһы» Марсель Сәлимов яулауы билдәле булды.
Афарин, Һәнәк ағайыбыҙ!
Халыҡ-ара жюри ағзалары Марсель Шәйнур улына «Француз исемле башҡорт сатиригы» тарихи-шиғри шәлкеме өсөн беренсе урын бирҙе.
«Open Eurasia» конкурсын Евразия ижади гильдияһы (Лондон) бөтә планета масштабында үткәрә һәм, Мар. Сәлим ағайыбыҙ үҙе билдәләүенсә, бындай ижади ярыш бөтә донъяла берҙәм мәҙәни киңлек булдырыуға, сифатлы әҙәбиәтте туплауға һәм популярлаштырыуға булышлыҡ итә.
Афарин, хөрмәтле Марсель Шәйнур улы! “Һәнәк”те өс тиҫтә йыл буйына етәкләп, уҡыусылар араһында Һәнәк ағай исеме алып, башҡорт сатираһын донъя кимәленә күтәрҙегеҙ, әле лә күтәрәһеҙ. Тимәк, сатирабыҙ алға бара! Һеҙгә һаулыҡ, яңы ижади уңыштар теләйбеҙ!
Афарин, Һәнәк ағайыбыҙ!
