Үгәй инә үләне

Үгәй инә япрағы йүтәлгә һәм тын юлдары ҡыҫылғанда яҡшы дауа һанала. Уны бронхит, бронхиаль астма, туберкулез менән сирләгәндә, үпкә абсцесында ҡулланалар. Төнәтмәһен 1стакан ҡайнар һыуға 1 аш ҡалағы ваҡланған япраҡтар иҫәбенән эшләйҙәр. Көнөнә 3-4 тапҡыр, ашар алдынан 1-2 аш ҡалағы эсәләр. Ашҡаҙан-эсәк, бәүел ҡыуыу юлдары юлдары ялҡынһынғанда ла шәп дауа. Япраҡтарынан бутҡа һымаҡ иҙеп, оҙаҡ уңалмаған яраларға ла ябалар. Үгәй инә төнәтмәһен оҙаҡ эсергә ярамай. Күңелегеҙ болғанғанда, эс ауыртыуы күҙәтелгәндә, аппетит юғалғанда дауаланыу туҡтатылырға тейеш.

Фото: infourok.ru