Организмды нимә ҡартайта?

Бәхетле булыу өсөн иң беренсе һау-сәләмәт булыу кәрәк. Ошоно иҫтә тотоп, түбәндәге кәңәштәргә иғтибар итегеҙ, үҙегеҙгә ғәҙәт итеп алығыҙ.

*Үтә ҡайнар аҙыҡ ашамағыҙ. Улай иткәндә, кеше эстән "һәләк була": зыянлы микробтар менән бергә файҙалыһы ла үлә, етмәһә, эстәге туҡымалар зарарлана-бешә, бигерәк тә ҡайнар аштан боҙғаҡ биҙе ныҡ зыян күрә, шул арҡала ауыҙҙан насар еҫ сығырға мөмкин. Аҙыҡ-түлектең эҫелеге 45 градустан ашмаҫҡа тейеш.

*Физик күнекмәләр эшләгәндә сүкәйеү - иң мөһимдәренең береһе, тубыҡ яҙылып ҡала. Ә аяҡтың бөгөлөшө 90 градустан артмаҫҡа тейешлеген беләһегеҙме? Иҙәнгә еткәнсе сүкәйгән ваҡытта ҡан тамырҙары ныҡ ҡыҫыла, һөҙөмтәлә варикоз, тромбоз һәм башҡа ауырыуҙар килеп сығыуы мөмкин.

*Ҡояшта артыҡ ҡыҙынмаҫҡа, иң күбе - 15 минут. Ультрафиолет нурҙары тәьҫиренән тире тиҙерәк ҡартая. Ҡыҙыныр алдынан Е витамины ҡабул итергә кәрәк.

*Сәсте ныҡ ҡыҫҡа ҡырҡтырыу кәрәкмәй. Ул - баш тиреһенең һаҡсыһы, беҙҙе йәй эҫенән, ҡыш һыуыҡтан һаҡлай.

*Һыуҙы икенсегә ҡайнатмағыҙ. Оҙаҡ ҡайнатҡан һайын уның файҙалы үҙенсәлектәре юғала. Шулай уҡ белмәгән урындан һалҡын һыу ҙа эсмәгеҙ. Көнөнә күпме эсергә кәрәклеген хәҙер белмәгән кеше юҡ. Шулай ҙа 2 литрҙан артығы ярамай, сөнки ул организмдан файҙалы матдәләрҙе йыуып төшөрә башлай.

*Үҙегеҙ һәр саҡ яҡшы кәйефтә булырға тырышығыҙ. Насар уйҙар, асыу иммунитетты ҡаҡшата, һәр ауырыуға юл асыла, бигерәк тә йөрәк-ҡан тамырҙары системаһы, һулыш алыу органдары тиҙ бирешә. Проблема бар икән, көйөп ултырырға түгел, ә уны хәл итеү юлдарын эҙләргә кәрәк. Шулай уҡ асыу организмды тиҙерәк ҡартайта.

*Мөмкин булһа, көн һайын әҙләп сәтләүек ашағыҙ. Уларҙа Е витамины булғанлыҡтан, ҡартайыу процесы яйлана, ғүмер оҙая.

*Хәрәкәттә - бәрәкәт. Иммунитетты нығытыу өсөн күберәк йәйәү йөрөргә, лифттан файҙаланмаҫҡа, ябай ғына физик күнегеүҙәр эшләргә тырышығыҙ.
Был кәңәштәр мотлаҡ сәләмәтлегегеҙҙе нығытырға, кәйефегеҙҙе күтәрергә ярҙам итер тип уйлайбыҙ. Ауырымағыҙ!

Фото: sastavok.net

https://bashgazet.ru/articles/s-l-m-t-bulayy/2020-03-27/organizmdy-nim-artayta-657327

Автор:

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60