Файҙалы һуттар - баҙҙа

Картуф һуты ныҡ файҙалы, ул ашҡаҙан-эсәк юлына йомшаҡ тәьҫир итә, аш һеңдереү ферменттарының артыҡ бүленеп сығыуына (ул күп булһа ла насар) ҡаршы тора.

Йыш ҡына картуф һутын кишер һуты ҡушып ҡулланалар. Улар икеһе бергә эсәк сирҙәрен дауалай.

Нисек әҙерләргә? Өс ҙур ғына картуфты һәм бер-ике кишерҙе таҙартып, һутын һығып алабыҙ. Һутты ас ҡарынға, ашарҙан 30-40 минут алдан 3-4 ҡалаҡ эсергә лә ятып торорға кәңәш ителә. Ете көн дауаланғас, ете көн - тәнәфес. Шулай өс курс ҡабатлағанда ыңғай һөҙөмтәһе күренә.

Дауаланыр алдынан табип менән кәңәшләшергә онотмағыҙ! Медицина сикләүҙәре бар.

Ә.Ғиззәтуллина.

Фото:dieta-prosto.ru

https://bashgazet.ru/articles/s-l-m-t-bulayy/2022-09-05/kartuf-men-n-kisher-uty-ash-a-andy-daualay-2935680