Ҡабаҡ. Унда күп файҙалы матдәләр тупланған: цинк, тимер, төрлө витаминдар һәм пектин. Бешерелгәне файҙалыраҡ, ти табиптар. Уға кориандр, дәрсен һәм борос тәмләткестәрен яраштырып ҡулланырға була.
Татлы борос. Көҙ уны күберәк ҡулланып ҡалырға тырышығыҙ. Унда Е, С, А витаминдары күп, антиоксиданттар бар. 100 грамм ҡулланғанда ла, организмға көндәлек С витамины нормаһын тулалындыра. Боросто сей килеш тә, бешереп тә ашарға мөмкин.
Емеш-еләктән тәүге рәттә слива тора. Уның составында кальций, фосфор, магний, С витамины бар. Аш һеңдереү өсөн дә һөҙөмтәле. Һау кешегә көнөнә өс-дүрт слива ашау ҙа етә. Икенсе емеш – һырғанаҡ. Унда тимер, магний, калий, төрлө витаминдар һәм аминокислоталар бар. Ашҡаҙан эшмәкәрлеге өсөн дә яҡшы.
Сәләмәт булайыҡ!
Фото: recepty.7dach.ru