0 °С
Болотло
Бөтә яңылыҡтар
Сәләмәтлек кәштәһе
17 Март , 15:05
Минуттарға иҫәпләнгән иң ҡурҡыныс ауырыу
Йөрәк өйәнәгенең иң билдәле симптомы – күкрәк һөйәге ауыртыу, ул баҫым яһаусы, яндырғыс йәки ҡыҫыу рәүешендә булырға мөмкин. Йыш ҡына һул ҡулға, иңбашҡа, муйынға йәки аҫҡы яңаҡ һөйәгенә бирә. Ирендәрҙең күкһел төҫкә инеүе күҙәтелә. Ауыртыу тулҡын һымаҡ көсәйә, биш-ун минуттан да оҙағыраҡҡа һуҙылһа, тын ҡыҫылыу, өшөү, ағарыныу, хәлһеҙлек һәм баш әйләнеү менән бергә бара. Әгәр бындай симптомдар нитроглицерин ҡабул иткәндән һуң уҙмаһа йәки көсәйһә — көтөргә ярамай, тиҙ ярҙам саҡыртырға кәрәк. Әммә инфаркт һәр ваҡытта ла шулай сағылмай.
Минуттарға иҫәпләнгән иң ҡурҡыныс ауырыу
Ҡайһы ваҡыт ауыртыу күкрәк артында түгел, ә ҡулда, арҡала йәки аҫҡы яңаҡтың һул өлөшөндә барлыҡҡа килә — һәм кеше уны теш ауыртыуы тип ҡабул итә. Башҡа осраҡтарҙа өйәнәк күңел болғаныу, ҡоҫоу, һарыу ҡайнау һәм ашҡаҙаны боҙолоу менән бергә була, был ризыҡтан ағыуланыуҙы хәтерләтә.
Астматик өйәнәккә оҡшаш һулыш алыу ауырлығы, йөрәк ритмы боҙолоу йәки ҡан әйләнеше боҙолоу билдәләре булған варианттар ҙа була. Был симптомдарҙың теләһә ҡайһыһы шулай уҡ кисекмәҫтән ярҙам һорап мөрәжәғәт итергә сәбәп. Инфаркттың аҙ симптомлы формаһы бигерәк тә мәкерле, кеше һис бер нәмә лә һиҙмәгәндә йәки тойғоларға әһәмиәт бирмәгәндә, тап бына ошондай осраҡтарҙа ҡиммәтле ваҡыт юғала. Табиптар организмдың хатта көсһөҙ һәм аңлайышһыҙ сигналдарын ла иғтибарһыҙ ҡалдырмаҫҡа кәңәш итә — бәлә килгәнде көткәнсе, ашығыс ярҙам саҡырыу яҡшыраҡ.
Фото: https://yandex.ru/images/
Новости партнеров