+13 °С
Болотло
Бөтә яңылыҡтар

Битлек режимы дауам итәме?

Журналистар менән осрашыуҙа Башҡортостандың һаулыҡ һаҡлау министры Максим Забелин республикабыҙҙа битлек режимына ҡағылышлы һорауға яуап бирҙе.

Битлек режимы дауам итәме?
Битлек режимы дауам итәме?

“Беҙ әле эпидемиологик хәлдең яҡшырыуын, ауырыуҙар һаны кәмеүен күрәбеҙ. Динамика яҡшырғандан-яҡшыра. Ковид-койкалар әкренләп кәметелә, профиль йүнәлешендә булмаған инфекция стационарҙары ябыла бара. Көс тап Республика инфекция дауаханаһына, Туймазыла яңы асылған үҙәккә тура килә. Әле Сибайҙа инфекция үҙәге асыуға әҙерләнәбеҙ”, – тип хәбәр итте министр.

“Яҡын ваҡытта, шуларҙың барыһын да иҫәпкә алып, оператив штабҡа тәҡдимдәр индерәсәкбеҙ, бергә тикшереп, ниндәйҙер ҡарарҙар ҡабул итәсәкбеҙ”, – тине Максим Забелин.

Билдәле булыуынса, Мәскәүҙә, эпидемиологик хәл яҡшырыу сәбәпле, 15 марттан битлек режимы ғәмәлдән сығарылды һәм биналарға ингәндә тән температураһын үлсәмәйҙәр.

 

Автор:Дилара Арсаева
Читайте нас: