+23 °С
Дождь
Сәләмәтлек кәштәһе
14 Февраля 2023, 12:20
Баш ауыртыуҙан яфа сигәһегеҙме?
Баш өйәнәгенең (мигрень) сәбәптәре шаҡтай. Ул артыҡ ярһыуҙан, физик эштәрҙән, асыуҙан, асығыуҙан да башланырға мөмкин. Шулай уҡ, шоколад, сыр, сәтләүек, томат, шампан һым ҡыҙыл шарап, һыра ашап-эскәндән һуң да булырға мөмкин. Йәки ҡайһы бер ризыҡтарға аллергия булғанда.
Баш ауыртыуҙан яфа сигәһегеҙме?
Өйәнәк организмда гормон үҙгәрештәре булғанда, балаға уҙыуҙан һаҡлаусы дарыуҙар эскәндә лә башланырға мөмкин. Баш ауыртҡанда күңел болғана, ҡоҫҡо килә, ашҡаҙаны ҡыҫа, яҡтынан ҡурҡыу, тауыштарға һиҙгерлек арта.
Ҡул аҫтында дарыу булмаған осраҡта, маңлайға һалҡын һыу сылатылған таҫтамал ҡуйырға була.
“Йондоҙ” бәлзәме һөртөп, тыныслап ятып торғанда хәл яҡшыра. Аяҡтарҙы йылы һыуҙа тотоу шулай уҡ ауыртыуҙы баҫа. Сикә һәм ҡаштарығыҙға массаж яһағыҙ.
Бер аш ҡашығы һары мәтрүшкәне бер стакан һыуҙа 15 минут ҡайнатығыҙ. Һөҙөп, 3-5 көн дауамында ас ҡарынға өсәр аш ҡашығы эсергә кәрәк. Муйын тирәһенә массаж яһағыҙ, яңы ғына бешерелгән бик баллы сәй ҙә күптәргә баш ауырытыуҙан ҡотолорға ярҙам итә.
Фото: Vk
