+15 °С
Ясно
Сәләмәтлек кәштәһе
2 Июня , 06:05
Үҙеңә хужа бул
Киске сәғәт алтынан һуң ашарға ярамай, тигән фекер нығынып бара. Был төптән хата фекер. Тормош - ул туҡталмаған процесс: иртәнсәк, төш, кис, төн һәм тағы ла иртә. Кеше организмы ла шулай көйләнгән: иртәнге, төшкө, киске аштарҙы ашайбыҙ. Кис менән иртә араһында 14 сәғәт ваҡыт бар. Был ҙур арауыҡта үт ҡыуығында үт бүленеп сығыу туҡтамай. Әгәр ул тәғәйен үҙ эшен башҡармаһа, ҡуйыра башлай, ҡатып, конкременттарға әйләнә. Шулай булмаһын өсөн һис юғы бер стакан кефир булһа ла эсергә кәрәк. Ашҡаҙан да эшләүҙән туҡтамай. Хатта уға төнөн уңайлы, төрлө физик, мәҫәлән, мускул хәрәкәттәре ҡамасауламай.
Үҙеңә хужа бул
Мәҫәлән, иртәнсәк бөтөнләй ашағы килмәгән саҡ була, ә кискеһен бүре башын ашарҙай булаһың. Шуға күрә үҙ организмыңды тыңлап эш итергә кәрәк - бында бер ниндәй хилафлыҡ юҡ, күп нәмә кешенең проблемаға шәхсән мөнәсәбәтенә лә бәйле. Мәҫәлән, диабетығыҙ бар икән, асығыу зыянға. Шуға күрә көнөнә дүрт стакан ҡаймаҡ ашап ҡына бушанырға була. Һау кешеләргә аҙнаның уңайлы бер көнөндә 24, йә 36 сәғәт асығыу файҙалы. Асығыу организмды таҙарта. Асыҡҡанда аш һеңдереү системаһы ял итә. Аң тән менән идара итергә өйрәнһен өсөн был бик шәп күнекмә, ул ихтыяр көсөн уята, үҙеңә үҙең хужа булырға өйрәтә.
Фото: gdprimore.ru
