Дамир Исхаҡов татар донъяһында иң ныҡ һаҡланған серҙәрҙең береһен асты. Мәғрифәтсе Ризаитдин Фәхретдин, ысынлап та, башҡорт икән.

Татарстанда халыҡ иҫәбен алыуға әҙерлек бер көнгә лә тынғаны юҡ. Әгәр мәғлүмәт сараларынан ағылған һүҙҙәрҙе тыңлаһаң, был донъяла халыҡ иҫәбен алыуҙан да мөһимерәк сара юҡ, хатта бында татар халҡының яҙмышы хәл ителеүе мөмкин.Тарих фәндәре докторы Дамир Исхаҡов тарихи шәжәрәләрҙе, үткән быуаттарҙа халыҡ иҫәбен алыу мәғлүмәттәрен бер ниндәй нигеҙһеҙ инҡар итеү юлына баҫҡан, хатта уларға хәҙерге күҙлектән сығып баһа биреүҙән дә баш тартмай. Уның фекеренсә, йәнәһе, минең ата-бабаларым башҡорт булған, тип раҫау өсөн шәжәрәләрҙе асыҡлау мөһим. “Кемдер документҡа яһаҡлы татар булып яҙыла, аҙаҡ типтәргә әйләнә, ә бер аҙҙан башҡорт ҡатламына керә. Сөнки бында ер мәсьәләһе хәл ителә”, – тип раҫлай.