Әгәр дөрөҫ булһа, ул алмаған бүләктәр һәм наградалар юҡ шикелле. Токионан алып Лондонға, Делиҙан Мурмаск ҡалаһына тиклем – барыһы ла Марсель Шәйнур улының нескә юмор менән яҙылған әҫәрҙәрен уҡый һәм уға сираттағы миҙалын һона.
“Ҡасанға тиклем дауам итер”, – тип мыжый көнләшкәндәр. “Ҡотлайбыҙ, һуңғы наградаң булмаһын”, – ти ҡыуанғандар. “Мар. Сәлим алмаған бүләк бармы ни әле ул”, – ти аптыранғандар.
Нисә миҙал алғандыр, ҡайһы еренә таҡҡандыр, лайыҡ булғанмылыр – уныһы мөһим түгел. Иң әһәмиәтлеһе – алмаған, ә биргәндәр, тимәк, кәрәк тип тапҡандар.
Марсель Шәйнур улы “Яҙылмаған китап” өсөн Джек Лондон исемендәге халыҡ-ара әҙәби премияға лайыҡ булған! Ҡайҙа барһын, биргәс, алыр инде. Ысын күңелдән ҡотлайбыҙ! Быныһы ла һуңғы наградаң булмаһын!