ӘХМӘР ҒҮМӘР-ҮТӘБАЙ. "БУРАНБАЙҘЫ ҺАҒЫНҒАНДА — 4"

Әрмегә миңә иң күп хат яҙған кеше Буранбай булды. Көн һайын. Ә хаттарына килгәндә... Ҡайһы ваҡыт ҡағыҙҙың иң аҫтында: "Һаумы! Нимә ҡарап ултыраң ул?" — тип кенә яҙыла. Ҡайһы саҡ: "Ошо ҡағыҙға миңә хат яҙ", — тип кенә сәләм ебәрә. Тамам ҡөтдәгә сыҡты. Почта ташыусы үзбәк Эркин Иногамжанов хат өсөн бер ҡап тәмәке һорай. Тәмәке бирмәһәң, хатты алырмын тимә. Тамам расходҡа һуҡты был Буранбай. Бер мәл ошо шиғыр килде: Ир һымаҡ ҡатын яҡшымы, тип тә, Ҡатын һымаҡ ир яҡшымы, тип тә һорама. "Кикирикүк!" тигән тауыҡтың да, Тауыҡ тапамаған әтәстең дә Муйындарын шундуҡ боралар...