+2 °С
Болотло
Бөтә яңылыҡтар
Дөйөм мәҡәләләр
3 Июнь 2019, 13:19
Берәүҙәр эшләй, икенселәр бүләк алып ҡыуана. Һабантуйҙар кем өсөн ойошторола?
“Һәнәк” журналына Саҡмағош районының Иҫке Бәшир ауылынан шылтыраттылар. Бай, матур ауыл, уңған кешеләр йәшәй. Егәрле халыҡ ҡайһы бер райондар көнләшерлек итеп һабантуй үткәрә. Бөтәһе лә шәп үткән, тик халыҡ көрәш һөҙөмтәләре менән генә ҡәнәғәт түгел. Иң тәүҙә көрәштә еңеүселәр өсөн тәғәйенләнгән бүләктәрҙе барлайыҡ. Төҫлө телевизор, мотобысҡы, машина йыуғыс, һарыҡ тәкәһе, ат, һәм башҡалар. Был бүләктәрҙе урындағы көрәшселәр яулаған, сәсеү алдынғылары лайыҡ булған, тип иҫәпләһәгеҙ, хаталанаһығыҙ.
“Һәнәк” журналына Саҡмағош районының Иҫке Бәшир ауылынан шылтыраттылар. Бай, матур ауыл, уңған кешеләр йәшәй. Егәрле халыҡ ҡайһы бер райондар көнләшерлек итеп һабантуй үткәрә. Бөтәһе лә шәп үткән, тик халыҡ көрәш һөҙөмтәләре менән генә ҡәнәғәт түгел. Иң тәүҙә көрәштә еңеүселәр өсөн тәғәйенләнгән бүләктәрҙе барлайыҡ. Төҫлө телевизор, мотобысҡы, машина йыуғыс, һарыҡ тәкәһе, ат, һәм башҡалар. Был бүләктәрҙе урындағы көрәшселәр яулаған, сәсеү алдынғылары лайыҡ булған, тип иҫәпләһәгеҙ, хаталанаһығыҙ.
Ҡыҫҡаһы, ауыл халҡы барлыҡ бүләктәрҙең ҡаланан килгән профессионал көрәшселәргә эләгеүе менән ҡәнәғәт түгел. Нисек инде, берәүҙәр эшләй, көн-төн иген үҫтерә, ә бүләкте баҫыу эштәренә мөнәсәбәттәре булмағандар эләктерә?
Бәхәсләшергә, уйланырға урын бар һымаҡ. Сөнки көрәштең спонсоры ауылдаштары – Азат Ғарифуллин. Ул Себерҙә йәшәй һәм эшләй, яҡташтарына бәләкәй генә бүләк эшләгән.
Көрәш буйынса ярыштар дүрт ауырлыҡ категорияһында ойошторолған. Барлыҡ бүләктәр (ноутбуктар, һарыҡтар, саңһурғыстар, һыуытҡыстар) Өфөнән килгән профессионал спортсыларға, береһе генә Мәләүездән икән, эләккән.
Һабантуй – халыҡ байрамы, Азат Ғарифуллин һымаҡ, йомарт бағымсының булыуы ла яҡшы, урындағы халыҡтың күңеле лә бар бит әле. Бәлки, ысынлап та, ярыштарҙы урындағылар өсөн генә үткәрергә булғандыр? Хәйер, һабантуйҙан һуң тауыш күтәреүҙән ни фәтеүә? Бүләктәрҙе үҙ-ара бүлешеп, шартына еткереп, йыуғандар бит инде.
Фото: Олег Яровиков.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60