+12 °С
Ямғыр
Бөтә яңылыҡтар
Дөйөм мәҡәләләр
15 Август 2019, 21:12
Әллә, ысынлап та, бурыслылар үлмәйме? Рәсәйҙә йәшәүселәрҙең һәр икенсеһе банктар алдында бурысын түләй.
Статистиканы алдап булмай. Уның ҡоро һандары йәнһеҙ, ләкин теүәл. Рәсәй халҡының яртыһынан күбе ай һайын банктарға бурысын ҡайтарыу өсөн генә эшләй.
Статистиканы алдап булмай. Уның ҡоро һандары йәнһеҙ, ләкин теүәл. Рәсәй халҡының яртыһынан күбе ай һайын банктарға бурысын ҡайтарыу өсөн генә эшләй.
Был осраҡта мәшһүр сатирик Марсель Сәлимов менән ризалашмай булмай. Уға Росстаттың быйыл, былтырғы осор менән сағыштырғанда, мәрхүм булыусыларҙың кәмеүе хаҡында мәғлүмәтенә аңлатма биреүен һорап, мөрәжәғәт иттек.
– Бөтә донъяла һыналған бер генә аңлатма бар, бурыслылар түгел, сирлеләр (ғәфү итегеҙ) вафат була, – тип яуап бирҙе Марсель Шәйнур улы. – Кешене бурыс йәшәтә, сирләмәҫкә, йығылмаҫҡа, тырышып эшләргә мәжбүр итә. Үҙегеҙ беләһегеҙ, бурыслы кешене тегендә ожмахҡа ла, тамуҡҡа ла ҡабул итмәйҙәр. Ишеткәнегеҙ барҙыр, мәрхүмде һуңғы юлға оҙатҡанда, бурысы бармы, бурысын кем түләй, тип һорайҙар.
– Әгәр түләүсе табылмаһа?
– Әллә тағы, түләмәгән кеше юҡтыр ул. Һәр хәлдә, тегенән бурысын түләй алмаған, тип, берәүҙе лә ҡайтарғандары юҡ. Тимәк, түләтәләрҙер. Һәр хәлдә, о-о-о, беҙҙең банктар… Ерҙә түгел, тамуғыңа барып кереп, һуңғы кейемеңде һалдырып алып, кәфенлегеңде әйтәм, тиненә тиклем, бурысыңды ҡайтартасаҡ.
– Ә был яҡшымы, әллә насармы?
– Банктар өсөн яҡшылыр, ә бурыслы өсөн – мәшәҡәтлелер. Минең белеүемсә, кредит алыусыларҙың 60 проценты бурысын түләй, 38 проценты бурысын ауырлыҡ менән хеҙмәтләндерә…
– Ә ҡалған ике проценты?..
– Уларҙың иҫән-һау булыуына иҫәп тоторға ғына ҡала.
– Рәхмәт, Марсель Шәйнур улы, һеҙ беҙҙе өмөтләндерҙегеҙ.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60