Йомартлыҡтың да сиге була. Таныҡлыҡ яңыртыу байҙар өсөн генәме?

Яңы йыл алдынан ғына хөрмәтле Хөкүмәтебеҙ беҙҙе үҙенең быға тиклем үтә йомарт булғанлығын иҫкә төшөрҙө һәм бындай мәрхәмәтлек сараларына ҡалын сик ҡуйҙы.

Яңы йыл алдынан ғына хөрмәтле Хөкүмәтебеҙ беҙҙе үҙенең быға тиклем үтә йомарт булғанлығын иҫкә төшөрҙө һәм бындай мәрхәмәтлек сараларына ҡалын сик ҡуйҙы.

Бынан һуң водителдәр өсөн таныҡлыҡты яңыртыу ун йылға бер була торған байрамға әйләнмәгәйе. Сөнки наркологтан һинең эскесе һәм наркоман түгеллегеңде раҫлаусы белешмә алыу өсөн элекке һымаҡ ярты көн түгел, хәҙер аҙна буйы бушҡа эшләргә тура килеүе бик ихтимал. Поликлиникаларҙың мәңге туя белмәҫ баш табиптары юғарынан төшкән күрһәтмәне үтәү йөҙөнән беҙҙә белешмәләр өсөн хаҡтарҙы 5300–7200 һумға тиклем күтәрҙе.

Хәҙер автомобиль йөрөтөү ысынлап та ҡиммәтле шөғөлгә әйләнә. Бер ҡараһаң, һинең эскесе, йәки наркоман түгеллегеңде раҫлау үҙеңдән башҡа кемгә кәрәк инде? Ә Хөкүмәт быны илгә кәрәк, тип иҫәпләй һәм бынан ҙур ғына аҡса яһай.

Халыҡ һуңғы тиндәрен һәм һумдарын устарына ҡыҫып тотоп, поликлиникаларҙың ҡиммәтле мисәт ҡуйыусы бүлмәләрен штурм менән яулай һәм аҡсаһын янға ҡалдырырға тырыша. Дөрөҫ булһа, хаҡтар яңы йылдан һуң тағы ла артасаҡ, тиҙәр.

Ярай ҙа был миллиондар дауаханаларҙың эшен яҡшыртыуға йүнәлтелһә, сирлеләрҙең

дауаланыу шарттарын аҙмы-күпме күтәрһә, йәл дә булмаҫ ине. Бының өсөн милли

проекттар бар, тип әйтәсәктәр һәм халыҡты һауыу өсөн тағы ла бер йәтеш кенә

һылтау табасаҡтар.

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60