-4 °С
Болотло
Бөтә яңылыҡтар
Дөйөм мәҡәләләр
15 Февраль 2020, 13:01
Төндәлектәр. Эскелеккә ҡаршы көрәшкәндәрҙе кем ярата? Эсмәйенсә нисә йыл йәшәргә мөмкин?
Табиптар араҡыға мөнәсәбәттәрен әле булһа аныҡ ҡына төйнәй алмай. Берәүҙәр аҙ ғына эсергә кәрәк, ти, икенселәре, ғөмүмән, ҡаршы, өсөнсөләр эскеселекте күтәрә алмай.
Табиптар араҡыға мөнәсәбәттәрен әле булһа аныҡ ҡына төйнәй алмай. Берәүҙәр аҙ ғына эсергә кәрәк, ти, икенселәре, ғөмүмән, ҡаршы, өсөнсөләр эскеселекте күтәрә алмай.
Халыҡ шағиры Рауил Бикбаев үҙенең көндәлектәрендә бер мәшһүр шағирыбыҙҙың фәһемле фекерен килтерә. Бер осор атаҡлы шағир эсеүҙән тулыһынса баш тартҡан һәм айыҡ йәшәү рәүеше алып барған. Ун йыл үткәс, яйлап ҡына яңынан рюмкаларға тотона башлаған.
Бер мәжлестә Рауил ағай мәшһүрҙән: “Йә, ағай, ун йыл буйы эсмәнегеҙ, тәьҫораттарығыҙ нисек?” – тип һораған.
Мәшһүр шағир: “Шуға төшөндөм, ун йыл ғүмерем әрәм булған”, – тип яуап биргән.
Минең таныштарым араһында 20-25 йылға тиклем эсмәй йөрөгәндәр бар. Ошо хаҡта дуҫым Хәйҙәр ағай менән һөйләшкәнем бар. “Фәлән кеше ун йыл эсмәне, төгәненең ташлағанына – 20 йыл”, – тип байтаҡ миҫалдар килтерҙем.
Ике-өс көн үткәс, үҙе яңынан шылтыратты: “Тәки башты ҡатырҙың, – тине ул. – Дуҫ-иштәрҙе барлап сыҡтым, тик берәүҙе лә таба алманым. Исмаһам, береһе тере булһа... Эскән дуҫтарым-таныштарым барыһы ла үлеп бөттө”.
Ҡайһы береһен исемләп тә атаны, мин дә белә инем уларҙы. Һәйбәт кешеләр ине. Дуҫым әйтеп тора, хәҙер уларҙың береһе лә тере түгел. Күпме ғүмерлек ҡайғы, юғалтыу һәм күҙ йәштәре.
Эсмәйенсә нисә йыл йәшәргә мөмкин? Был һорауға яуап биреүе ифрат ауыр. Үкенескә ҡаршы, бик оҙаҡ түгел икән шул.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60