+2 °С
Болотло
Бөтә яңылыҡтар
Дөйөм мәҡәләләр
2 Март 2020, 19:55
– Кемдең эше? – тип һораным, күҙ төбөнә күрһәтеп. – Өйҙә берәү бар бит, – тип ҡарашын ситкә алды ир.
Мине бер мәсьәлә борсой: гүзәл затты яҡлап, беҙ ир-ат хаҡында онотмабыҙмы?
Рәсәйҙә ҡатын-ҡыҙҙарҙы рәнйетеүгә ҡаршы закон сығарыу буйынса бәхәстәр ҡыҙғандан-ҡыҙа. Депутаттарҙы арзанлы абруй яуларға теләүҙә ғәйепләргә уйым юҡ. Улар эшен белә һәм закон проекттарының бер нисә вариантын төҙөп, кем уҙарҙан Дәүләт думаһына тәҡдим итеп тә өлгөрҙө. Әгәр эштәр былай барһа, ҡатын-ҡыҙҙарҙың һәм балаларҙың мәнфәғәттәрен яҡларлыҡ закон быйыл ҡабул ителер ҙә һымаҡ.
Тик мине бер мәсьәлә борсой. Гүзәл затты яҡлап, беҙ ир-ат хаҡында онотмабыҙмы икән? Күп түгел, ләкин яҡлауға мохтаж ир-егеттәребеҙ ҙә бар бит әле. Юғарыла иҫкә алған күҙ төбө лә шул ваҡиғаға ишара.
Үкенескә ҡаршы, статистикала ирҙәрҙең яҙмышы өсөн борсолорлоҡ, хатта һөрән һалырлыҡ һандар бар. Социологтар күҙәтеүенсә, Рәсәй үҙ-үҙенә ҡул һалыусылар һаны буйынса донъяла, үкенескә ҡаршы, тәүге урындарҙың береһен биләй. Ә суицидҡа барыусыларҙың 90 проценты тип әйтерлек – ир-егеттәр икән.
Социологтар бының сәбәбен ирҙәрҙең хоҡуҡи йәһәттән яҡланмауында күрә, йәмғиәт тә башлыса гүзәл зат мәнфәғәттәрен ҡайғырта. Шуның өсөн, беҙгә ҡалһа, дәүләт тә, йәмғиәт тә ҡатын-ҡыҙҙарҙың да, ир-аттың да хоҡуҡтарын яҡларға бурыслы.
Хәҙер донъя ҡатмарланды, хатта ауырлашты, тип әйтергә мөмкин. Ирҙәр һәм ҡатындар һөнәре, эше, мауығыуҙары араһында электән булған сиктәр юйыла, гүзәл затты ҡурсалау хәрәкәттәре көсәйә. Ләкин мөһим мәсьәләгә бер яҡлы ғына ҡарап, көслө затты онотоп ҡуймаһаҡ ярар ине.
Читайте нас:
© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584
Баш мөхәррир: Илгиз Вәкил улы ИШБУЛАТОВ
Телефон
(347)292-77-60
Электрон почта
Адресы
450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.
Редакция
(347)292-77-60
Ҡабул итеү бүлмәһе
(347)292-77-60