Рәсәйҙең Италияға ярҙамы, күҙәтеүселәр билдәләүенсә, элекке ҡеүәтле Советтар союзының аяҡҡа баҫыуы хаҡында һөйләй. Хәҙер Көнбайыш илдәрендә Рәсәйгә рәхмәт йөҙөнән санкцияларҙы юҡҡа сығарыу хаҡында көндән-көн йышыраҡ һөйләйҙәр.
Был ярҙам күләме иң тәүҙә Польша етәкселегенең ҡотон осорған. Варшавала Рәсәй самолеттарының бер-бер артлы Италия аэропорттарына килеп төшөүен Евросоюзға һәм НАТО-ға ҡаршы иң көслө удар, тип баһалаған.
Шул уҡ ваҡытта, Польшала хәлдәр ҡатмарланған осраҡта, Варшаваның Мәскәүгә ярҙам һорап мөрәжәғәт итеүен күҙ алдына килтереүе ҡыйын, ләкин ихтыяж тыуһа, был аҙымға барырға тура киләсәк.