“Һәнәк” журналы сайты, төркөмө ҡулланыусылары иғтибарына мөрәжәғәт.

Бөтә донъялағы һымаҡ, илебеҙ хәл иткес һынауҙар мәлен кисерә. Нимә генә булмаһын, тормош дауам итә. Алдан уҡ әйтеүебеҙсә, сир һымаҡ афәттәр үтә лә китә, беҙгә киләсәк хаҡында ла хәстәрлек күрергә кәрәк. Үҙегеҙ күреп тораһығыҙ, “Һәнәк” журналы һәм уның сайты ла ошо хәл иткес көндәрҙе бергәләп еңелерәк үткәреү бурысы менән үҙенең ҡулланыусыларынан айырылмаҫҡа, уларҙың ихтыяждарына яуап бирергә тырыша. Ағымдағы хәл тураһында ваҡиғалар, мәғлүмәтме, төрлө йөкмәткеле яҙмалар, әхлаҡ мәсьәләләре күтәрелгән материалдар менән даими танышып бараһығыҙ. Уларҙы күсереп алыусыларға, башҡаларға уҡырға тәҡдим итеүселәргә, беҙҙең мәҡәләләр менән танышыуға башҡаларҙы йәлеп итеүҙә ярҙам күрһәтеүселәргә сикһеҙ рәхмәтлебеҙ.