+18 °С
Болотло
Бөтә яңылыҡтар
Дөйөм мәҡәләләр
15 Июнь 2020, 12:09

БАШҠОРТОСТАНДА БӨГӨН ӨШӨЙҘӘР. БЫЛ ЯҠШЫМЫ, ӘЛЛӘ НАСАРМЫ?

Фермерҙар, агрономдар, быйылғы йыл уңышы өсөн борсолоусылар әлеге һалҡынса һауаны ҡыуанып ҡабул итә. Яҙғы сәсеү эштәре уңышлы тормошҡа ашырылды, бөгөн – үҫемлектәрҙең ниндәй уңыш бирере билдәләнгән көндәр. Республика буйлап үткән ҡойма ямғырҙар, дәррәү үҫеп сыҡҡан игендәр юғары уңышҡа өмөт уята. Һәр хәлдә, эҫе түгел, сәсеүлектәр ҡурылмай.

БАШҠОРТОСТАНДА БӨГӨН ӨШӨЙҘӘР.
БЫЛ ЯҠШЫМЫ, ӘЛЛӘ НАСАРМЫ?
Фермерҙар, агрономдар, быйылғы йыл уңышы өсөн борсолоусылар әлеге һалҡынса һауаны ҡыуанып ҡабул итә. Яҙғы сәсеү эштәре уңышлы тормошҡа ашырылды, бөгөн – үҫемлектәрҙең ниндәй уңыш бирере билдәләнгән көндәр. Республика буйлап үткән ҡойма ямғырҙар, дәррәү үҫеп сыҡҡан игендәр юғары уңышҡа өмөт уята. Һәр хәлдә, эҫе түгел, сәсеүлектәр ҡурылмай.
Ә ҡотҡарыусылар һыу буйҙарында кешеләрҙең аҙ булыуына ҡыуаналыр. Һуңғы ял көндәрендә генә, төрлө мәғлүмәттәргә ҡарағанда, 11 кеше батып үлде. Хатта араларында 5 йәшлек сабый ҙа бар. Ҡара иҫәп менән генә барлаһаҡ, бер көн һыу инмәү 3-4 ғүмерҙе ҡотҡарып алып ҡала. Ә ҡорбандар беҙгә кәрәкме?
Әлбиттә, һыу буйҙарына төшмәй, ҡояшта ҡыҙынмай, йәйҙең хозурлығына һоҡланмай, булмай. Үкенескә ҡаршы, эсеп алғас, һыуға ташланыусылар үҙҙәрен уйлап тормай.
Йылдың-йылы шул күҙәтелә: һыуға батыусылар күпселек осраҡта – ҡыҙмаса ир-ат. Һәм ул иң актив, типһә, тимер өҙөрҙәй, хеҙмәткә һәләтле кеше, ғаиләнең терәге.
Бер-беребеҙҙе һаҡлайыҡ! Эҫе көндәр алда булыр әле. Иҫәнлек-һаулыҡ һеҙгә!
Фото: редакция архивынан.
Читайте нас: